Este venres prosegue a programación de Outono no Teatro Municipal de Tui, coa penúltima proposta deste ciclo. Será coa compañía La Canica e a representación de “Orfeo”, un espectáculo polo que recibiron o Premio “Mellor Proposta dun Clásico” en FETEN 2020, a Feria Europea de Artes Escénicas para Nenos e Nenas. O espectáculo comezará ás 19:30 horas.
Dúas actrices, Daniela Saludes e Esther Blanca, escenifican o mito de Orfeo e Eurídice con monicreques, sombras, obxectos e outros recursos teatrais. Unha posta en escena que combina o relato poético nas voces das dúas actrices, o xogo teatral dos diversos protagonistas da historia, a expresividade dos obxectos e o poder evocativo da música. Pablo Vergne é o autor e director da obra, recomendada a partir dos 5 anos.
Orfeo é un mozo grego cuxa música é quen de aplacar tormentas, mover as pedras e amansar as bestas salvaxes. Eurídice é unha nova ninfa protectora dos bosques e a natureza. Un día ambos namoran. Pero a súa felicidade non dura moito tempo. Unha mordedura de serpe mata a Eurídice. Abatido, Orfeo decide baixar aos infernos na busca da súa amada.
As entradas están á venda na web municipal de Tui (premer aquí) até dez minutos antes do comezo do espectáculo, aos prezos de 4 e 3 euros.
A EEI acolleu este venres a Competición de Robots onde estudantes de diferentes institutos de Galicia demostraron as súas dotes de enxeñeiros
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL