A Biblioteca Pública Municipal da Guarda organiza varias actividades dirixidas ao público infantil, mozo e adulto co gallo do Día da Biblioteca.
Así, até o próximo 7 de novembro, celebraranse as xornadas tituladas “Biblioteca solidaria”, nas que aquelas persoas que se acheguen ao espazo de ocio e lectura municipal poderán escoller un libro descatalogado a cambio de aportar unha unidade de alimentos non perecedoiros (arroz, pasta ou legumes, entre outros).
Co fomento da colaboración solidaria a través desta actividade preténdese mellorar a calidade de vida das persoas ou grupos, especialmente aqueles que sofren algún tipo de carencia, marxinación ou desatención. Esta é, con todo, unha boa maneira de fomentar a lectura e a solidariedade cos sectores máis desfavorecidos da sociedade.
A Biblioteca Municipal celebrará de forma periódica campañas de recollida de alimentos cuxas recadacións serán repartidas entre todas as asociacións da Guarda con fins sociais, sempre que a cantidade de alimentos sexa suficiente. No caso contrario, os donativos destináranse a unha única asociación en cada convocatoria.
As cativas e cativos, pola súa parte, terán este sábado unha cita especial na Biblioteca Municipal. Coa celebración do Samaín xa próximo, a actividade “Contos contados” dedicarase ao medo coa lectura do libro “Andrés cabeza abaixo”, de Pablo Albo y Roger Olmos. Deseguido, os e as participantes poderán elaborar un “marcapáxinas terrorífico” no obradoiro de manualidades. Poderán acudir sós ou en compañía dunha persoa da súa familia.
Ademais, dende o sábado e ata o 4 de novembro, haberá recunchos de lectura con libros dedicados ao medo e o terror, dirixidos tanto ao público adulto coma infantil.
Ya hay fecha para la próxima edición del Mercado Reciclado de Vigo, que volverá a tener moda vintage o de segunda mano, música y talleres
Leticia Sabater promete una noche con mucho "brilli brilli" en Galicia. Pese a la polémica, la artista se suma a un Entroido que podría ser viral
La Asociación Cultural de Bouzas desvela las dos fechas claves para disfrutar del Entroido en el barrio vigués
Vigo podrá disfrutar del Entroido con un gran espectáculo de circo. Dos shows totalmente gratis que prometen mucha diversión
Liderado por monodon de Navantia, participan 12 entidades de siete países - Está deseñado para operar en constelacións de satélites
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL