Moaña Antiqua devolve o seu esplendor medieval a San Martiño

Moaña despide o mes de xuño e inicia xullo viaxando na súa particular máquina do tempo. É un traxecto especial, case rutinario. O municipio do Morrazo festexa dende o 29 ao 1 de xullo a terceira edición de Moaña Antiqua, unha festa que terá lugar en San Martiño, a parroquia orixinal de Moaña.

Moaña Antiqua estará composta por tres xornadas cheas de actividades para todos os púbicos e todas as idades. A festa comeza o venres ás 20:45 horas co pregón da escritora Iria Collazo. A foliada medieval continuará o 29 de xuño cunha exhibición de cetraría (21:00 horas) e cun espectáculo de Troula Animación, que presentará "Errantes" (22:00).

Másnoticias

Así son las campañas contra la violencia de género del alumnado de la UVigo para concellos de Pontevedra

27/05/2025

Una fiesta de vino en las Rías Baixas reunirá a grandes orquestas, incluida la Panorama y Olympus

25/05/2025

Na fin de semana chegará o gran momento do evento. Moaña Antiqua abre o seu mercado medieval. O primeiro día, o sábado 30, será de 11:00 a 22:00 horas. Entre as actividades máis destacadas están os obradoiros infantís (11:30-13:30 e 17:00-21:00) a cargo de Matrácala que permitirá que a cativada poida facer escritura medieval, acuñación de moedas, lacrado e xilografía.

Ese mesmo sábado, os asistentes poderán asistir a unha loita medieval ás 20:00 horas a cargo de Adoc Cabaleiros de Moaña e ás 21:00 horas á exhibición de cetraría na que haberá unha gran variedade de aves na que participará tamén o público.

A primeira xornada do mercado medieval de Moaña Antiqua pechará coa actuación musical de Caxade no Adro de San Martiño.

O domingo as actividades chegarán até ás 23:00 horas. Serán moi similares ás do sábado. De feito, os horarios dos obradoiros infantís e da exhibición de cetraría son os mesmos. Outra proposta interesante desta edición de Moaña Antiqua (que tamén estará tanto o sábado como o domingo) e é a haima de adivinación e tarot a cargo de "A Pitonisa Felisa", que terá lugar o día 30 de 20:00 a 22:00 horas e o 1 de xullo de 19:00 a 21:00 horas.

Os asistentes a esta nova edición de Moaña Antiqua poderán gozar durante toda a fin de semana de música tradicional, de postos de comida e bebida e establecementos de artesáns que dotarán dun maior realismo esta festa histórica que logrou consolidarse no programa de eventos de Moaña.

Autobuses de balde e zona de lecer

Os interesados en asistir ao evento teñen a súa disposición autobuses gratuítos con saída dende A Xunqueira pasando pola Praza de Abastos. A saída está prevista ás horas en punto e ás media dende San Martiño.

Por último, na zona da festa de época haberá un área de lecer para comer tanto na Carballeira como en fincas da contorna.