Moaña recupera a súa Festa da Diversidade apostando este ano por unha celebración da liberdade “máis completa, diversa e comprometida”. Neste senso, o Goberno local programará os días 3 e 4 de xuño espectáculos e fantasías culturais que buscarán poñer no foco ás “realidades, amores e identidades diversas” a través das artes vivas. Mudará tamén de escenario, para pasar a celebrarse no centro da vila.
Nesta V edición buscarase visibilizar a artistas LGBTI da provincia con propostas “inspiradoras e comprometidas” que animen ao diálogo e a igualdade no espazo público. Así, a celebración comezará o venres 3 de xuño no Salón de Plenos coa proxección do filme A Noite Irisada, sobre a loita LGTBI en Galicia, finalista nos Premios Mestre Mateo. Un valioso relato, desde as cantigas medievais ata a actualidade, sobre o amor, o respecto e a memoria diversa que estará seguido por un faladoiro coa súa directora, Bea Vázquez.
O sábado 4 o Palco da Música -o novo emprazamento- acollerá unha programación diversa non só pola temática e polo elenco maioritario de artistas trans, senón tamén polos variados formatos artísticos. A partir das 19:00 horas, público de todas as idades poderá inspirarse cos Contos Invertidos de Nico Elsker; viaxar ao mundo de fantasía galega A Drag Pandeireteira de Meiga-i -un monólogo musical de mestura folk-; vivir un enerxizante serán electrónico e rebolar no concerto SUOR d’O Rabelo. A noite rematará cunha sesión DJ de ARIEZZZ e as súas performances.
O Concello de Moaña completa a programación coa exposición itinerante Mulleres Trans Ilustradas, un material didáctico cedido por ARELAS co fin de dar a coñecer os logros de mulleres trans referentes nos seus ámbitos. Ademais, o recinto contará cun Punto de atención á diversidade, información e prevención para facer unha festa máis segura fronte ás agresións.
O Concello “renova así a súa responsabilidade crear espazos de lecer en igualdade, plurais e democráticos, apoiando unha edición máis a diversidade de identidades e afectos”, explican dende o Goberno local. A vila busca transformarse nun lugar de visibilidade e convivencia en liberdade para toda a cidadanía a través da cultura diversa e o lecer “para todes”.
El Centro Comercial A Laxe pone fecha a su particular encendido de Navidad. Un acto repleto de sorpresas y actuaciones gratis
Una finca de Marín se convierte durante un día en un auténtico parque temático del terror. ¡Descúbrelo aquí!
La orquesta París de Noia es el plato fuerte de las fiestas de Santa Catalina de Portonovo. Esta es la fecha en la que actuará y el horario
El mercado invernal Bulebule ha confirmado una nueva edición. Ha desvelado las fechas y los horarios de la edición de este año
Este preacuerdo está pendiente de la aprobación por el grupo de trabajo creado expresamente para este tema
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL