Mos celebra o décimo aniversario do seu Arde o Pazo para expulsar ao exército de Napoleón

Se Vigo celebra a súa Reconquista e Bouzas a Brincadeira, Mos rememora tamén o paso dos franceses con Arde o Pazo. A festa, que conmemora o discorrer do exército galo polas terras da Louriña, encherá este sábado, 21 de abril, a contorna do Pazo de Mos de recreacións, postos gastronómicos e moita troula.

Por que Arde o Pazo? Porque o Pazo de Mos, propiedade da familia Quirós Sotomayor, emparentada con Pedro Álvarez de Soutomaior, máis coñecido como Pedro Madruga, tivo a mala sorte de atoparse no paso do exército de Napoleón de Vigo a Tui. Así, nunha misión para reforzar a súa presenza na cidade fronteiriza, os franceses que xa prognosticaban a súa derrota decidiron queimar os edificios máis sobranceiros que se atopaban no seu camiño, entre eles o pazo, hoxe recuperado na súa totalidade.

Másnoticias

O Porriño lanza su propia línea de bus para disfrutar de la playa durante el verano

30/06/2025

Mos calienta para La Vuelta Ciclista con sesiones de bici al aire libre y sorteos

30/06/2025

Programación de Arde o Pazo 2018

10.00 horas

• Os Marqueses de Mos inauguran o Mercado de 1809
• Demostracións e obradoiros de oficios tradicionais
• Mostra do IV Concurso de Espantallos

11:00 horas

• Actuacións e mestura tradicional das agrupacións “As Pedriñas” e “Celado”

11:30 horas

• Representación 1: Os Marqueses de Mos cobran os foros ao pobo

12:00 horas

• Chegada das alarmas de Pontesampaio, do Casal do Eirixo (Valga), San Antoíño (Mos) e Vigo.
• Representación 2: Chegan as tropas francesas e asaltan o mercado e o Pazo de Mos

14:00 horas

• Xantar nas Tabernas e postos gastronómicos do Mercardo

16:30 horas

• Treboada de Pinzás e Grupo Arume de Guizán

17:15 horas

• Representación 3: Proclama do frade Francisco Giráldez, Comandante da Louriña.
• Ataque no Ameirolongo: os guerrilleiros da Louriña atacan a retagarda do exército francés.

18:15 horas

• Aforcamento dos prisioneiros franceses

18:30 a 20:30 horas

• Animación de rúa e actividades infantís de títeres e maxia

20:30 horas

• Grupo de baile “Nosa Terra” de Pereiras

22:00 horas

• Retirada do exército francés do xeneral Maucune fuxindo de Tui (incendio do pazo)

23:30 horas

• Concertos de “The Lelli Kelly’s” e “Os Vacalouras”