Ponteareas amosa esta fin de semana como converter calquera árbore en bonsai

A técnica de cultivar árbores e arbustos controlando o seu tamaño para que teñan unha envergadura moito menor que na natureza gaña cada vez máis adeptos na nosa contorna. En Ponteareas, esta fin de semana afeccionados a esta modalidade de cultivo teñen unha cita coa II Mostra de Bonsais.

Entre o sábado e o domingo, o Museo Municipal (rúa Perillana, 11) abrirá as súas portas para acoller a entre 20 e 25 bonsais xunto a outros 15 prebonsais, un cultivo arbóreo aínda en proceso de formación para adquirir a categoría nai.

Másnoticias

Ponteareas aprueba la creación de un nuevo recinto deportivo con pista de atletismo

22/11/2024

De la fiesta de las tartas al universo Harry Potter, 10 planes 'top' en Vigo y área para el finde

22/11/2024

Un gran número de plantas que requiren un traballo inmenso por parte dos seus coidadores. Manuel Abril, afeccionado e responsable da mostra, non se cansa de repetir que “estas árbores adquiren este tamaño miniatura e un fermoso porte grazas as horas e horas” que lles adican os afeccionados que os cultivan.

Porque non teñen que ser árbores exóticas nin chegadas da afastada China, onde se orixinou esta arte, senón que calquera das nosas especies, como os carballos, poden adoptar esta fisionomía. “En teoría calquera pode ser convertido nun bonsai, aínda que é recomendable que teña unas características especiais, como follas pequenas, para que estean proporcionados e sexan mais fermosos”, explica Abril. Entre as especies que estarán expostas, haberá exemplares como un buxo sacado dun xardín de 1906 ou aciñeiras con preto de cen anos. Tamén carballos, bidueiros, salgueiros...

A mostra está aberta tanto o sábado, 1 de setembro, coma o domingo, día 2, de 10:00 a 14:00 horas e de 17:00 a 21:00 horas.

Obradoiros e demostracións

Para que os máis cativos se acheguen á natureza e ao coidado das plantas, a concellería de Cultura e Turismo, que dirixe Hortensia Bautista, organiza ao longo de toda a xornada do sábado un obradoiro de iniciación no que se explica como converter calquera planta en bonsai. Estará en funcionamento ao longo de toda a xornada.

O domingo, o especialista Andrés Bicocca estará traballando nas instalacións para demostrar como se da forma á denominada madeira morta empregando ferramentas manuais tradicionais en combinación co traballo de ferramentas eléctricas. Unha disciplina artística que outorga espectaculares formas ás partes secas de bonsais vivos.