O espectáculo “Camiñantes e Cantantes” chega ao Porriño este domingo 18 de setembro. O musical, que conta coa financiación da Xunta de Galicia ao abeiro do Xacobeo 22 e a colaboración do Concello do Porriño, foi presentado hoxe na casa consistorial.
“Trátase dun espectáculo totalmente en galego dirixido a un público familiar e coa agrupación La Ocaband como protagonista que contará con artistas galegos de primeiro nivel como Lucía Pérez e Laura Añón, que acompañarán ás voces da agrupación musical, ou Manuel Manquiña e Pepo Suevos, que participarán guiando o evento”, explicou o director artístico do evento, Dani Dopazo.
La Ocaband conseguirá que o público camiñe, a través dos artistas galegos de todos os tempos, polas distintas rutas xacobeas, guiados pola zona do artista en cuestión ou a través de recoñecidos temas de Fuxan os Ventos e A Roda, ou de reputados artistas galegos como Juan Pardo, Julio Iglesias, Cómplices ou Siniestro Total, entre outros.
“Ademais, contará tamén cun importante aporte audiovisual”, informou o produtor, Carlos Alleres, “As imaxes do Camiño de Santiago, gravadas con drone e outras técnicas de última xeración, formarán parte dos visuais que aparecen nas pantallas multimedia do espectáculo”.
“Camiñantes e Cantantes” emitirase en directo a través da canle de televisión A Nove, en TDT a través de todo o Eixo Atlántico. Tamén vía streaming en directo a través do YouTube de A Nove. Cabe destacar que antes de dar comezo o musical emitirase un programa de entrevistas a persoeiros destacados da veciñanza da vila.
“O Porriño é un encrave importante do Camiño Portugués e queremos poñelo en valor”, concluíu o rexedor, “Por iso actividades como esta son sempre benvidas. Convidámosvos a todos a pasar un bo rato xuntos”.
Vigo ofrece una proyección gratuita para aproximarse al cine angoleño. Una sesión sobre el activismo anticolonial con perspectiva de género
El Outono Gastronómico de Mos propone diferentes propuestas culinarias. Consulta aquí todo lo que se puede degustar en noviembre
Nigrán ofrece este fin de semana una nueva ruta gratuita por el municipio. Propone descubrir los secretos de Monteferro y sus murales
Un local de Vigo ya ofrece la oportunidad para degustar su auténtico panettone. Regalarán un pedacito con las bebidas durante estos días
El grupo biofarmacéutico entregará sus reconocimientos anuales en una gala que tendrá lugar el próximo martes 11 de noviembre
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL