Nova incorporación ao Festival Intercéltico do Morrazo. Cando resta pouco máis dun mes para que o universo “folkie” abarrote Moaña, o Concello confirma a actuación de Habelas Hainas, un conxunto galego formado por mulleres que, ademais, será o encargado de abrir o evento o xoves 25 de xullo, ás 22:30 horas, no escenario principal do festival.

Habelas Hainas son un exemplo do novo trad e folk galego, onde as mulleres van ocupando cada vez máis o papel protagonista que lles corresponde lexitimamente. A agrupación está formada por Arantza Alfaia (tamboril, bombo, darbuka e caixón flamenco), Jara Ortiz (voz, bombo, pandeireta, crótalos árabes), Patri Gamallo (gaita, adufes, guitarra) e Sandra Tamayo (acordeón, gaita e pandeiro).

Másnoticias

Combatir el 'Black Friday' con un Mercado de Navidad que apuesta por el comercio y la gastronomía de Bueu

21/11/2025

Colisión múltiple con un conductor en sentido contrario y positivo en alcohol en la AP9 en Chapela

Un joven motorista, hijo de un concejal del PP en Cangas, fallece en un accidente en Moaña

20/11/2025

O proxecto nace en 2010 cando Arantza Alfaia, Patricia Gamallo, Jara Ortiz e Sandra Tamayo, cada unha delas cunha longa traxectoria no mundo da música tradicional, cruzan os seus camiños. Tras unha intensa traxectoria como músicas ao vivo, en 2017 presentaron “Livres e loucas”, o primeiro traballo discográfico deste grupo de música de raíz, realizado dende unha óptica feminista e socialmente comprometida, con son enérxico , fresco e orixinal.

Con esta última confirmación, o cartel do Festival Intercéltico do Morrazo que terá lugar en Moaña os días 25, 26 e 27 de xullo. Anxo Lorenzo subírase ao escenario principal do FIM o sábado 27 de xullo ás 22:00 horas mentres que a acordeonista Sharon Shannon pechará o evento tras a actuación do músico moañés.