“Facémolo porque deunos o que vimos e queremos axudar da mellor maneira posible”, así explicaba Miguel González á Metropolitano.gal a posta en marcha do Festival Solidario Miña Terra que fará soar a música para recadar fondos tras a vaga de lumes do domingo negro.

No concerto inaugural deste sábado, 28 de outubro, buscouse ofrecer “música variada e para todos os gustos” co gallo de que se achegue o maior número de xente. Na cita colabora tamén La Fabrica de Cholocate que cede as súas instalacións para permitir que esta iniciativa se faga realidade.

Másnoticias

El nuevo ecobarrio de Vigo, sin coches, con vistas al mar, vivienda protegida y zonas comerciales

Vigo ganará un gran "pulmón verde" en Teis y se hará con la zona arbolada del Colegio Apóstol

22/07/2026

Un "templo" del ciclismo en Vigo comienza una nueva vida con una "liquidación histórica" de sus artículos

22/07/2026

A noite arrancará co vigués Kaixo. Para quen non o coñeza é un representante do chamado newpunk, unha mestura que conxuga a atmósfera trap coa electrónica.

Nesta primeira cita, que se repetirá cada fin de semana até o 26 de novembro, subirán tamén ao escenario Os Poetarras e os seus temas críticos, pero tamén cómicos. Ademais da súa actuación no Nos Seus Pés, o Miña Terra será un dos únicos festivais nos que poder desfrutar da retranca e a música “poetarra” despois da súa despedida dos escenarios o pasado mes de xuño.

A cita que arrancará ás 21:30 horas, rematará coa mellor selección musical de DJ Abelo Valis. O prezo da entrada é de 5€ e serán doados integramente a protectora de animais Bai Sen Pulgas e a Comunidade de Montes de Coruxo. As entradas deberán adquirirse no despacho de billetes en La Fábrica de Chocolate.