Retranca e feminismo únense no concerto gratuíto de De Vacas no Porriño polas Letras Galegas

Concerto de balde para festexar as Letras Galegas no Porriño. O concello da comarca da Louriña, xunto coa Deputación de Pontevedra, ofrecen o directo do grupo De Vacas para conmemorar o día da literatura galega o vindeiro venres 17 de maio ás 21:00 horas na praza do Arquitecto Antonio Palacios.

O cuarteto presentará o seu novo espectáculo “Rebovina Divas Live”, unha homenaxe ás mulleres, que coa súa música, acompañaron ás compoñentes de De Vacas ó longo da súa vida, incluídas as divas do pop Whitney Houston, Céline Dion, Mónica Naranjo, Beyoncé, entre outras.

Másnoticias

Pinchos, Festa da Zorza, magosto y cine gratis, O Porriño propone una explosión de ocio este finde

14/11/2025

O Porriño estrenará un nuevo servicio de bus eléctrico gratuito que conectará las parroquias

14/11/2025

De Vacas está formado polas vocalistas Inés Salvado (a Marela), Faia Díaz (a Pinta) e Paula Romero (a Morena) e o guitarrista Guillerme Fernández (a Rubia), compoñente do desaparecido “Berrugüetto”. O grupo fai versións en galego de temas comerciais, mudando a letra e dándolles un formato retranqueiro e divertido, poñendo en valor o feminismo, o ecoloxismo e a poesía. Algunhas das súas versións máis coñecidas son “Amodiño”, cover do “Despacito” de Luis Fonsi; ou “Peixería Chanel”, a súa interpretación en galego de “SloMo”, da eurovisiva Chanel.

Concerto de De Vacas en O Porriño