O teatro afeccionado dáse cita dende esta fin de semana en Ponteareas

A Concellería de Cultura do Concello de Ponteareas presenta a primeira mostra de teatro afeccionado que arranca este sábado día 7 de outubro ás 20:30 horas coa parodia “En pé de guerra” da compañía Misturarte, unha crítica social que coa típica retranca galega da unha visión das guerras en cinco actos dirixidos por Chusa Couñago.

O vindeiro sábado 14 de outubro Nelson Quinteiro Produccións representará a obra “Pequeno Cabaret Infantil” ás 20:30 horas no auditorio municipal. Un espectáculo para nenos e nenas de todas as idades no que o maestro de ceremonias "Pedriñoo Mendrugo" e a súa pulga "Jacinta Florette" farán as delicias dos máis pequenos e tamén dos máis crecidiños transformando algúns contos populares dende un punto de vista moito máis cómico e actual.

Másnoticias

Arrancan las obras para transformar la Praza de Abastos de Ponteareas y ya hay fecha de fin

03/06/2025

Reclaman "un Ponteareas verde y sostenible" con una transformación de sus parques y sendas

03/06/2025

O domingo 15 de outubro ás 18:00 horas é o turno da compañía Teatro de Osiris de Salceda de Caselas coa obra “O malentendido” e “A lección”, recomendable para maiores de 13 anos.

O sábado 21 de outubro ás 20:30 horas o grupo de teatro “Ponte Caneiro” de Fozara aposta por “Eramos poucos, e…”.

Para rematar esta primeira mostra de teatro Pena de Equilibrio actuará ás 20:30 horas coa obra “Cómpre falar ben dos mortos” de Gabriel Cajide, componente do grupo. Esta comedia pechará o ciclo de teatro que se desenvolverá durante o mes de outubro no auditorio municipal e que sorteará agasallos en cada función.