Zahara, unha das cabezas de cartel do Barbeira Season Fest de Baiona

A organización do Barbeira Season Fest, que se celebrará en Baiona entre o 31 de agosto e o 4 de setembro, vén de anunciar a Zahara como unha das cabezas de cartel que formarán parte da programación deste ano. Unha nova edición que medra en días e contidos e que, ademais, terá lugar en distintos espazos da vila e estará dirixida a diversos tipos de público.

O músico Pablo Novoa, director artístico do festival, di que “contar con Zahara no cartel do Barbeira é unha riqueza. María é unha artista de altísima calidade cun público moi fiel que, ademais, encaixa á perfección coa maquinaria do festival. Zahara é un dos meirandes referentes musicais da actualidade e traerá a Baiona toda a sensibilidade das súas letras e a súa xenial posta en escena”. “Fainos moi felices contar con ela”, comenta.

Másnoticias

Baiona celebra su Magosto con 260 kilos de castañas gratis y música al atardecer

13/11/2025

El cine del área de Vigo que es gratis y que proyecta películas históricas ofrece estas dos sesiones especiales

11/11/2025

Novoa anuncia tamén que “o cartel garda aínda importantes sorpresas”. “Toda a programación vai ser de luxo e está deseñada co obxectivo de chegar a distintas sensibilidades e gustos”, sinala, “e van convivir figuras principais do panorama nacional -das que Zahara es só o primeiro anuncio- con grupos galegos, portugueses e algún internacional”.

O festival continuará apostando por fomentar o coñecemento do Camiño Xacobeo ao seu paso por Baiona, igual que nas pasadas edicións, e desenvolverase en distintos espazos. En canto a isto, Isaac González, director do festival, desvela que ¨este é o ano no que, por fin, convertimos ao Barbeira Season Fest no que queriamos: unha aposta potente que axude a fomentar Baiona como un punto de encontro de lecer e cultura e con diversas opcións que encherán de contido espazos sorprendentes”.

O festival contará unha vez mais co patrocinio de Vibra Mahou, a plataforma de música de Mahou Cinco Estrellas que crea encontros en torno ao directo.

Abono de lanzamento “Confía e aforra”

O público que queira asistir ao Barbeira Season Fest pode mercar xa o abono de lanzamento a un prezo de 35€ na súa web. Este prezo só será durante uns días ata a seguinte confirmación de cartel.

Ademais, todas as persoas usuarias do Carné Xove poderán mercar as entradas ao Barbeira Season Fest cun 15% de desconto. O Barbeira Season Fest conta, polo de agora, coa colaboración da Concellería de Cultura do Concello de Baiona e Mahou como patrocinador privado principal.