Andaina reivindicativa en Pastoriza contra a creación dun parque eólico no Morrazo

Esta andaina reivindicativa enmárcase dentro das accións de protesta convocadas onte en máis de 30 lugares en Galicia pola Coordinadora Eólica Así NON. Integrada por máis de 170 colectivos, solicitan "a paralización inmediata do actual plan sectorial eólico, así como dos máis de 300 proxectos que se están a tramitar neste momento en Galicia sen que exista unha valoración global dos seus impactos ambientais ou sobre a poboación". Denuncian que esta avalancha eólica é posible pola existencia en Galicia dunha lexislación "obsoleta e laxa, que resulta lesiva para os intereses da cidadanía, pero que pon unha alfombra vermella ás empresas elécricas". Estas empresas, destacan, puxeron tamén a súa diana na península do Morrazo. "A existencia dunha área de desenvolvemento Eólico na península é a que posibilita que se poidan executar proxectos deste tipo, de aí que pidamos a súa total derrogación".

Pero mentres isto non suceda, desde Eólicos no Morrazo anuncian que seguirán na labor de informar á veciñanza das consecuencias deste macro-proxecto en Marín, Bueu e Moaña. Neste sentido, valoran moi posivamente a resposta que en todos os actos que están a organizar. Ademais da concorrida andaina de onte, o pasado venres, sen ir máis lonxe, encheuse en Santomé, a Casa da Cultura de veciñas e veciños que acudiron para informarse sobre as consecuencias deste proxecto.

Másnoticias

Vuelve la 'fórmula mágica' del Mercado de Navidad que triunfó en Bueu

28/10/2025

Cangas se transformará con una tenebrosa "escape room" al aire libre por Samaín

26/10/2025

A información en firme presentada nos concellos de Marín e Moaña debuxa un "panorama desolador" para os montes. "A empresa Aratel solicita información para un total de 14 parcelas para a promoción, construcción e explotación de dous parques eólicos: Pé Monte Xaxán e Pé Monte San Lourenzo. Se estes plans van adiante, contaremos cunha liña de macromuíños desde o alto do mítico monte da Paralaia até a Cruz da Maceira, seguindo a liña da estrada Marín – Moaña (PO131), así como en todo o tramo desde a Cruz da Maceira até Miñán, ocupando o monte de Santomé. As poboacións das zonas altas do Morrazo, próximas á liña da estrada, quedarán á sombra destes xigantes, cos prexuízos ambientais, sobre as augas, para a saúde, para o benestar e tranquilidade que supón vivir nas proximidades dun parque eólico".

Desde a Plataforma, sinalan que farán "canto estea na nosa man para evitar esta desfeita". Onte, no día internacional das montañas, apelaron ás organizacións, colectivos e veciñanza do Morrazo a integrarse na plataforma e seguir a sumar forzas para frear a destrucción do monte. A andaina en Pastoriza, participaron veciños e veciñas de toda a comarca, contou tamén co apoio de colectivos como Anduxía, Asociación Micolóxica Liboreiro, ADEGA, a Mancomunidade de Montes do Morrazo, o Colectivo Feminista Zeivas, Amigos do Morrazo Verde e asociacións veciñais que foron sumando os seus apoios á Plataforma.