Falece o histórico militante vigués do PCG, Luís González "Ferreiro"

Esquerda Unida de Vigo vén de lamentar o pasamento do histórico militante Luís González "Ferreiro", nado en Vila de Cruces en 1936 pero unido a Vigo dende os anos 60, cidade na que loitou contra a ditadura franquista despois dos seus anos na emigración.  “Ferreiro construíu zulos para as imprentas en Vigo, na comarca de Coruña, etc, que albergaron as máquinas que imprimiron os panfletos nas folgas do 72 en Vigo e Ferrol e especialmente as copias de 'Mundo Obrero' que logo el mesmo distribuía cun complexo sistema de enlaces por toda Galicia”, relata Rubén Pérez.

Foi membro do primeiro Comité Central do recén fundado Partido Comunista de Galicia en París, xunto con figuras como o xeneral Enrique Líster e Santiago Álvarez. Foi detido nun numeroso operativo policial para desarticular o aparato clandestino de propaganda en Galicia mentres estaba na Coruña mercando tintas para as imprentas, sometido a un ronsel de torturas durante o interrogatorio da policía franquista e sufrindo anos de cárcere.

Másnoticias

La Panorama City anuncia su primera actuación en Vigo y desvela sus fechas de julio

30/06/2025

En el aire más de 20 fiestas patronales en Vigo, piden una "reunión urgente" con Caballero

30/06/2025

Participou activamente en Esquerda Unida e no PCG da comarca de Vigo e mesmo foi activo participante do espazo de unidade popular que de Marea de Vigo. Rubén Pérez, Coordinador local de EU en Vigo e concelleiro da Marea de Vigo sinala o “profundo exemplo moral e de militancia que Ferreiro nos inculcou a mozos e mozas que chegabamos á organización en momentos moi duros para a esquerda e aos proxectos emancipadores despois da caída dos países socialistas, nos duros anos 90 e da militancia esforzada, da que el era un vigoroso exemplo: para estar nunha asemblea tomando notas e intervindo, para pegar carteis en campañas electorais ou para cantarnos cancións en actos políticos e culturais; xa que Luís, ademais dun gran camarada, tiña unha voz excepcional”.

A Coordinadora Local de Esquerda Unida en Vigo traslada o seu pésame á familia de Luís “Ferreiro”, cuxo exemplo estará sempre presente, e cuxa persoa será sempre lembrada con cariño e admiración.