Rapaces e avós comparten bailes e cancións na Guarda

A Oficina Municipal de Información á Xuventude (OMIX) do Concello da Guarda manterá aberto o prazo de inscrición no obradoiro interxeracional de danza e música tradicional “Os nosos bailes e cancións de agora e de sempre: Canta avoas” ata o venres 10 de novembro.

Esta actividade enmárcase no programa “Tecendo lazos” da Deputación de Pontevedra, cuxa principal finalidade é desenvolver obradoiros interxeracionais no ámbito do lecer e o tempo libre a través dos que establecer espazos para o encontro entre diferentes xeracións.

Másnoticias

Llegan los conciertos "ás beiras do Miño" con mágicas citas entre Galicia y Portugal

29/07/2025

La magia y el cine al aire libre gratis para despedir el mes de julio en Tomiño

29/07/2025

O curso terá unha duración de 16 horas repartidas entre os venres (de 18:15 a 20:30 horas) e os sábados (de 10:15 a 12:30 horas) entre o 10 de novembro e o 16 de decembro no antigo Colexio Sinde. Nesta actividade poderán participar persoas de entre 10 e 99 anos, preferentemente pertencentes ao mesmo núcleo familiar: avós/as, netas/os, pais/nais, fillas/os, etc.

Como anotarse?

Para inscribirse, deberase entregar o formulario de solicitude cuberto xunto cunha fotocopia do DNI, certificado/volante de empadroamento e, no caso de menores de idade, autorización para participar no obradoiro.

As persoas interesadas poderán obter máis información na oficina da OMIX situada na Casa do Concello, chamando ao teléfono 986 614 546 ou ben no correo electrónico informacion@aguarda.es.