"La Bombonera" xa loce a súa nova pista tras as obras de remodelación

O Pavillón Polideportivo Municipal 'As Marismas', coñecido popularmente como La Bombonera, loce un aspecto totalmente novo despois das obras de remodelación das que foi obxecto a única pista desta instalación deportiva. Nela o Concello investiu 66.561,59 euros (IVE incluído).

O chan de La Bombonera, de aproximadamente 1.000 metros cadrados, estaba moi deteriorado polo paso do tempo e o uso continuado polos diferentes deportes que se practicaban nel. Este foi substituído por un pavimento deportivo aerea-elástico con acabado en madeira de faia.

Másnoticias

Redondela presume de situación económica saneada al "no gastar por encima de sus posibilidades"

06/09/2025

Redondela avanza en la peatonalización del casco histórico, que vigilará con cámaras

04/09/2025

Este tipo de piso, explica a alcaldesa de Redondela, Digna Rivas, “foi elixido entre outros por tratarse dun pavimento específico para os lugares nos que se practica o balonmán ou o fútbol sala que son as dúas principais modalidades que se desenvolven neste pavillón”. A maiores, este tipo de piso tamén está especialmente recomendado para outras modalidades deportivas como o baloncesto, voleibol e bádminton.

As obras consistiron no estendido dunha primeira base de espuma de poliuretano flexible de 15 mm e unha barreira antihumidade a base de lámina de polietileno sobre a que se colocou unha capa de listóns de contrachapado fenolico de 12 mm. Por último, sobre ela púxose unha capa de madeira de faia con acabado de barniz de Bona UV sportive específico para o uso deportivo.

Desta forma, La Bombonera está lista para o comezo das pretemporadas das distintas modalidades deportivas que se practican nela arredor de todo o ano.