O Rosal recupera a tradicional carreira de San Silvestre con dúas modalidades de participación

A tradicional carreira de San Silvestre volve ao Rosal, unha cita navideña que cada ano reúne a rosaleiros e rosaleiras para desfrutar do deporte saudable ao aire libre dun xeito divertido. O prazo de inscripción xa está aberto e ata o vindeiro luns 27 de decembro todas aquelas persoas que queiran participar poderán inscribirse nunha das dúas pobras que se realizarán, unha andaina pensada para público infantil de 2,3 km e unha carreira non competitiva de 4 km.

A andaina sairá ás 11:00 horas dende o pavillón municipal cara a Simón del Mazo para percorrer a rúa dos Castros, Campo da Feira, Camiño da Gandarela e Estrada da Morraceira para continuar polo camiño Campo da Feira, pola rúa Simón del Mazo e rematar na Praza do Calvario.

Másnoticias

Una televisión o un deshumidificador, el botín del ladrón que se coló en una casa de Tomiño

04/06/2026

Tui abre el plazo para solicitar cinco viviendas de alquiler social: estos son los requisitos

03/06/2026

Pola súa banda, a carreira de San Silvestre sairá ás 11:45 horas igualmente do pavillón municipal para percorrer as rúas Simón del Mazo, rúa dos Castros, rúa Campo da Feira, Camiño de Gandarela, Camiño da Laxe, Camiño Tiarxo, Camiño Laxe do Campo, Camiño a Morraceira, Estrada da Morraceira, Estrada de Furnos, Camiño Pampaloas, Camiño Campo da Feira e rúa Simón del Mazo para finalizar na Praza do Calvario.

As inscricións realizaranse a través da páxina web do Concello enchendo un formulario cos datos persoais de cada persoa participante. Os dorsais poderán ser recollidaos no Concello antes do día 31 de decembro ou o propio día entre as 09.00 e as 10.30 horas. Non haberá categorías diferenciadas e ao remate da San Silvestre todas as persoas participantes serán agasalladas cunha chocolatada e participarán no sorteo de tres cestas de Nadal.

A alcaldesa do Rosal, Ánxela Fernández Callís, anima a todos os seus veciños a participar nesta carreira "que pode facer calquera persoa ao seu ritmo, correndo ou camiñando, e que nos permite volver a desfrutar do deporte todos e todas xuntas despois da celebración o ano pasado dun xeito diferente".