Vázquez Padín: “Se Manu Garrido é premiado quero ser eu quen entregue o galardón”

O alcalde de Tui, Carlos Vázquez Padín, quere deixar atrás a polémicas dos últimos meses co padeeiro tudense Manu Garrido. Despois das súas declaracións en redes sociais, que posteriormente retirou tras pedir desculpas, o rexedor tudense quere firmar a paz co deportista local sendo el persoalmente quen lle entregue un premio se resulta gañador na Gala do Deporte que se celebra esta noite.

“Pedín expresamente ser eu quen entregue o premio se é gañador”, explicou esta mañá a preguntas de Metropolitano.gal.

Másnoticias

Nevermore, a obra sobre o afundimento do Prestige abrirá a programación cultural de Tui en febreiro

27/01/2023

Reconstruyen en Monte Trega por primera vez la puerta de acceso a un castro de la Edad de Hierro

24/01/2023

Pode interesarche: Tui recupera a Festa do Meixón nun San Telmo 2018 “low cost” 

Ás 20.30h o Teatro Municipal de Tui acollerá a VI Gala do Deporte Tudense na que se recoñecerá o traballo dos deportistas, clubs, entidades ao longo do ano 2017. O acto contará coa presenza do alcalde de Tui, Carlos Vázquez Padín, a deputada de Deportes, Chelo Besada, o presidente da Cámara de Valença, Jorge Salgueiro, os membros da corporación municipal de Tui, entre outras autoridades.

No transcurso da gala farase entrega dos Premios Deporte Tudense 2017 ao deportista masculino e feminino, deportista sub 23, deportista masculino e feminino promesa e veterano, club deportivo, club deportivo na promoción do deporte base, adestrador, firma comercial, e entidade colaboradora do deporte. Tamén se entregará o Premio Deporte Tudense Mención Especial e realizaranse unha serie de recoñecementos a entidades e persoas vinculadas ao deporte. O acto contará amais coa actuación musical do grupo Piscore.

O Teatro Municipal de Tui presentará un cheo esta noite xa que as butacas están xa completas coas invitacións remitidas aos máis de 40 clubs deportivos tudenses.