A guía que recolle os mellores restaurantes do Morrazo repartirá 10.000 exemplares

O Morrazo desfrútase pola súa paisaxe, pero tamén pola súa gastronomía, os seus espazos hostaleiros e hoteleiros. A guía turística “Somos Morrazo”, elaborada por El Siete coa colaboración do Concello de Moaña, que patrocina a idea dende fai catro anos, vén de presentar a súa edición de 2019.

En total, o libriño gratuíto engloba 57 establecementos, principalmente de Moaña, Cangas e Bueu, pero tamén con presenza de Marín, no que se poden consultar as principais características de cada un dos negocios locais.

Másnoticias

"Primeras marcas a precios de ganga", llega a O Morrazo el outlet del verano con rebajas del 70%

19/07/2026

Las hamburguesas "más locas y brutales" aterrizan en las Rías Baixas con un festival junto al mar

15/07/2026

Así, pódese coñecer non soamente a súa dirección e descrición básica senón tamén que tipo de cociña elaboran -no caso dos restaurantes-, se dispoñen de boas vistas, terraza ou wifi. Ademais, nalgúns casos tamén está dispoñible o prezo medio. Inclúese asemade lenda para aqueles establecementos que ofrezan alternativas sen glute ou veganas.

A guía, que se edita por cuarto ano, repártese nas oficinas de turismo de Moaña, Cangas, Bueu, Marín e Vilaboa, e contará este ano con 10.000 exemplares. Nesta edición, o chef ponteareán Iván Méndez Álvarez é o encargado de asinar o prólogo no que se destaca a axuda da guía para “iluminar o camiño dos mellores bares, casas de comidas e lugares onde poder desfrutar das mellores elaboracións e produtos da marabillosa península” do Morrazo.