Ana Pontón prevé un “resultado histórico” do BNG na comarca do Val Miñor

A portavoz nacional do BNG, Ana Pontón, prevé que o Bloque teña un “resultado histórico” na comarca do Val Miñor, polo que será “decisivo” na vida municipal dos concellos da zona. Fíxoo o acto de presentación das candidaturas do Bloque á alcaldía dos concellos do Val Miñor: Iago Pereira en Baiona; Manuela Rodríguez en Gondomar e Xavier Rodríguez en Nigrán.

Pontón puxo como exemplo da capacidade do BNG á hora de liderar e aportar solucións “o traballo desenvolvido polo grupo municipal no concello de Baiona, en áreas clave como o medio ambiente, a participación veciñal, igualdade ou mocidade, que marcou nos últimos tempos a diferenza no goberno municipal”, polo que se mostrou convencida de que o Bloque terá un apoio reforzado nas próximas eleccións do 28 de maio con Iago Pereira como cabeza de candidatura.

Másnoticias

La Orquesta Panorama inicia su gira en abril con 30 citas en Galicia, cuatro en el área de Vigo

01/04/2023

Patrimonio abre expediente al Cíes Market y Caballero denuncia una “alianza” contra la Navidad

31/03/2023

A líder nacionalista tamén destacou “a capacidade de traballo, rigor e recoñecemento social” de Manuela Rodríguez,  poñendo en valor a súa “enerxía imparable cando hai que defender os intereses de Gondomar”, o que seguro será valorado pola veciñanza de cara a vindeira cita electoral. Igualmente, augurou que “en Nigrán o BNG terá máis forza que nunca con Xavier Rodríguez porque son maioría os veciños e as veciñas que queren que o Bloque xogue un papel decisivo neste concello”.

A portavoz nacional amosou a súa visión sobre Baiona, Gondomar e Nigrán, poñendo o foco na “necesidade inmediata” de ter gobernos con ideas e propostas en ámbitos nos que a sociedade afronta grandes retos de futuro na actualidade. Todo isto pasa por “preservar un territorio ameazado polo espolio eólico, a mellora dos servizos públicos, un turismo sustentable que non derive en consecuencias que prexudiquen aos propios veciños e veciñas como o incremento do prezo da vivenda”, indicou.

Pontón quixo deixar claro que a formación nacionalista “ten un proxecto de futuro para os concellos do Val Miñor, e por iso este 28 de maio imos  ter un resultado histórico que converterá ao BNG nunha forza política decisiva na vida municipal de Baiona, Gondomar e Nigrán, poñendo ás persoas no centro e dotando as vilas de maior dinamismo económico e social”.