Cualifican de "galegófobo" ao Terraceo pola escasa presenza de grupos en galego

O Bloque Nacionalista Galego denunciou a exclusión da música galega e en galego na programación de concertos da segunda edición do festival Terraceo, organizado polo Concello de Vigo, e que substitúe os grandes concertos de verán. Só dúas dun total de corenta actuacións son de grupos en lingua galega, concretamente con data as de Os Resentidos e Baiuca, mentres que todavía non se coñece cando serán os recitais de Tanxugueiras, Batea ou de artistas galegas como é o caso da porriñesa Xoana.

O concelleiro do BNG en Vigo, Xabier P. Igrexas, instou o Goberno local a rectificar unha programación que cualificou de “raquítica, empobrecedora e galegófoba”. “O que merece a cidade é unha programación de concertos variada, que non deixe fóra a música en galego, e que non sexa deseñada segundo os gustos do alcalde, dun concelleiro ou dos seus produtores de confianza”, reclamou.

Másnoticias

Vigo ya tiene su primer gran concierto del otoño, James Rhodes vuelve a la urbe atlántica

03/09/2025

Luli Pampín, la reina de los espectáculos infantiles, llega a Vigo y ya va camino de agotar las entradas

18/08/2025

Desde a fronte nacionalista salientan que a escena musical viguesa e galega ten “referencias de primeirísimo nivel e de grande potencia” con grupos e artistas que empregan a nosa lingua propia.

Igrexas subliña que o executivo de Abel Caballero está a tempo de corrixir ese deseño, toda vez o programa de concertos apenas vén de encetar o pasado 1 de maio. O portavoz municipal nacionalista reclama que “non se pode seguir deixando fóra a música galega e en galego na principal cidade de Galiza”.