O futuro da enxeñería robótica atópase na Guarda

Na zona mais ao sur da provincia de Pontevedra, na vila da Guarda, un grupo de rapaces e rapazas veñen de demostrar que non fai falla estar en Silicon Valley para artellar os robots do futuro. Polo de agora a creación dos alumnos do IES da Sangriña, de entre 16 e 17 anos, tradúcese nun pequeno robot teledirixido, pero o obxectivo e seguir medrando cara un proxecto máis ambicioso. 

Os “Celtic Bots“, así se chaman as súas creacións, poden coñecerse na Alameda da Guarda entre as 18:00 e as 20:00 horas até o sábado. Todas as persoas interesadas en coñecer o primeiro traballo deste equipo poden visitar o seu circuíto instalado na Alameda, onde se poderá conducir o robot e poñelo a proba nun campo de obstáculos. Os creadores irán anotando os tempos e puntuación de cada un dos participantes, dependendo das probas e atrancos que sexan capaces de superar, de xeito que se converta nunha competición entre afeccionados.

Másnoticias

A Guarda saca a licitación su nueva biblioteca con zona infantil y bebeteca

14/11/2022

Guía completa de los Samaín de Vigo y su área: consulta más de 20 planes para pasarlo de miedo

26/10/2022

María González, impulsora do proxecto, tivo a idea de crear un grupo de robótica fai algo máis de dous meses, co fin de montar e programar un aparello electrónico que, dirixido de forma remota, fose capaz de moverse e superar obstáculos.  Agora tradúcese nestes pequenos robots. Porén, o plan de cara o novo curso pasa por aumentar o número de participantes nesta iniciativa tecnolóxica, incluíndo a alumnos e alumnas de todas as ideades e procedentes doutros centros educativos que teñan interese e capacidades en distintas disciplinas.

Neste sentido, apunta María, “existe moitos prexuízos sobre o que é a robótica”, referíndose a esta como unha rama multidisciplinar na que conviven distintos campos, como “a construción, deseño, matemáticas ou a administración”, polo que perfís moi distintos teñen cabida.