“Un atleta, unha árbore”, foi o lema co que máis de 300 atletas percorreron parte do concello de Moaña o pasado mes de setembro. A iniciativa desta nova edición da Carreira Pedestre buscaba repoboar parte dos montes con árbores autóctonas. Cada zancada era un paso pola natureza.
Agora, a promesa farase realidade e este domingo, 18 de novembro, o Club Atletismo Samertolameu, conxuntamente coa Comunidade de Montes de Meira e o Concello de Moaña, organizan a plantación de carballos no monte de Meira como resultado dese acordo asinado durante a XV Carreira Pedestre Concello de Moaña.
Daquela, as entidades comprometéronse a repoboar o monte cunha árbore autóctona por cada atleta inscrito na carreira popular. Serán 344 árbores autóctonas os que finalmente cheguen ao monte.
A actividade deste domingo é de carácter aberto polo que, aparte do Club Atletismo Samertolameu, a Comunidade de Montes de Meira e os participantes da carreira, pode participar todo aquel que estea interesado.
O punto de encontro para a actividade será nas pistas de Atletismo de Moaña as 9:30 horas. Unha vez reunidos farase un paseo de aproximado de 30 minutos ata o monte onde terá lugar a plantación.
El festival científico "CinVigo" toma Porta do Sol con una programación que incluye talleres, espectáculos y hasta una yincana
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL