O goberno de Nigrán levará ao vindeiro pleno do 1 de febreiro unha moción para a aprobación do terceiro plan de bolsas municipal, aumentando nesta edición a sete o número de beneficiarios (sempre estivo dirixida a 6). Tódalas bolsas están destinadas á formación de auxiliares administrativos nos diferentes departamentos do Concello, sendo unha das principais novidades desta convocatoria a ampliación do número de titulacións aceptadas, así, establécese que a mínima requirida sexa Ciclo Medio de Xestión Administrativa aceptándose o ciclo superior da rama de FP de 'Administración e Xestión' e incorporándose por vez primeira como válidas titulacións universitarias da rama xurídico, laboral ou económico-empresarial. "Esta ampliación do abano de titulacións responde á que nos anos anteriores, cinguíndonos só ao ciclo medios de Xestión Administrativa e Superior de Administración e Finanzas, non obtivemos candidatos suficientes para cubrir as prazas e, en cambio, quedaron fora interesados con titulacións universitarias igualmente válidas para desenvolver as tarefas habituais do Concello", explica o alcalde, Juan González.
Estas bases, de ser aprobadas no Pleno, serán publicadas no Boletín Oficial da Provincia, momento en que se abre o prazo de solicitudes. Como nas anteriores edicións, poderían optar ás bolsas titulados do municipio que se atopen en situación de desemprego e non exerceran nunca no seu eido de estudos, sendo a duración de 6 meses prorrogables a outros 6 e as condicións económicas de 800 € brutos ao mes en xornada completa. Os titores serán os funcionarios responsables de cada ámbito.
"Tendo en conta a dificultade para acadar un emprego hoxe en día, dende o Concello temos o deber de facilitar a adaptación dos desempregados de Nigrán ao mercado laboral ampliando a súa experiencia e formación", resume o alcalde, Juan González. Así, o obxectivo final é que os beneficiarios acaden unha importante vantaxe competitiva á hora de optar ás distintas ofertas laborais existentes tanto na administración pública como na empresa privada.
Partindo destas premisas iniciais, o Concello de Nigrán, consciente da situación laboral que está a vivir boa parte da sociedade, ten posta en práctica distintos mecanismos para contribuír a mellorar a inserción dos seus veciños, sendo a convocatoria destas bolsas un paso máis neste mesmo senso.
El Concello de Vigo ha anunciado un nuevo cierre completo del túnel del Beiramar. Estas son las horas en las que no se podrá circular por él
El Concello de Vigo invertirá casi un millón de euros en la compra de vehículos. Los bomberos de Vigo contarán con un equipo renovado
El Alto Tribunal gallego ha desestimado el recurso del acusado. Se mantiene la pena de 22 años de cárcel por el crimen en Barro
La pieza, en un estado excelente de conservación, ya se puede visitar desde este viernes. Se podrá visitar de lunes a domingo
Liderado por monodon de Navantia, participan 12 entidades de siete países - Está deseñado para operar en constelacións de satélites
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL