O Bloque Nacionalista Galego de Vigo vén de completar a súa candidatura en Vigo para as vindeiras municipais. Unha lista “comprometida co feminismo, o ecoloxismo e a cultura, así como a defensa das clases populares traballadoras e dos servizos públicos". A fronte nacionalista concorre ás eleccións municipais do vindeiro 28 de maio cunha lista paritaria, con perfís diversos e persoas referentes nos barrios e parroquias e nos movementos sociais.
“Unha candidatura tan plural como é Vigo e que definiría en tres palabras: entusiasmo, compromiso e enerxía para resetear en positivo a cidade”, valorou o concelleiro e candidato do BNG á alcaldía de Vigo, Xabier P. Igrexas, que asegurou que estas mulleres e homes van “empurrar o grande salto electoral” do BNG co obxectivo de ser unha forza “determinante” no Concello para levar ‘Vigo máis alá’, lema de precampaña nacionalista, recollendo a crecente onda de simpatía social cara ao Bloque.
O cabeza de lista considerou que con esta candidatura buscan avanzar cara un Vigo "máis habitábel e verde, máis igualitario e socialmente xusto, que volva ser pulmón industrial de Galiza, vangarda na creación cultural e que se converta no motor de todo un País". O BNG, dixo, "somos a alternativa para todas as viguesas e vigueses que non se conforman con máis do mesmo”, afirmou.
Igrexas puxo en valor que esta lista renovada demostra o carácter “aberto e positivo” do proxecto do Bloque en Vigo, con 27 postos titulares e 9 suplencias entre as que destacou a incorporación de persoas independentes como Ramón Nicolás e Vítor Vaqueiro, dous referentes culturais da cidade. A lista fecharaa, no posto 27, Olaia Fernández Davila, exconcelleira, deputada no Parlamento galego e portavoz no Congreso, unha “referente do nacionalismo en Vigo, orgullosa viguesa e un motivo de orgullo para todas as mulleres e homes que facemos parte do BNG”.
O candidato nacionalista salientou o “intenso, permanente e rigoroso traballo” do Bloque durante o actual mandato, que o converteu na oposición “real” acompañando cada crítica e denuncia dunha proposta “en positivo”, mentres outras forzas “xogaron ao pimpampum inútil de costas ás necesidades das viguesas e vigueses”.
Una nueva tienda de moda ha abierto sus puertas en el Gran Vía de Vigo. Aumenta la oferta comercial de esta superficie viguesa
Estos son los chiringuitos de Vigo que están abiertos desde este mismo sábado. La ciudad vuelve a tener casi todos sus icónicos quioscos
Con Málaga fuera de la lista de sedes y el proyecto de Riazor paralizado, ¿será Vigo nueva sede para el Mundial 2030? Balaídos gana puntos
Este mes terminará el rodaje de la próxima serie de Netflix grabada en Galicia. Una producción que ha pasado por Pontevedra, A Coruña o la Ribeira Sacra
A obra conta cun orzamento de 10 millóns de euros e durará arredor de 20 meses
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL