O BNG de Vigo fai un chamamento para que se celebren debates electorais cara o 28M

O Bloque Nacionalista Galego de Vigo chama o resto de forzas políticas a participar en debates públicos cara ás eleccións municipais do 28 de maio. O candidato nacionalista á Alcaldía, Xabier P. Igrexas, vén de enviar unha carta aos cabezas de lista de PSOE, PP e Podemos-Marea de Vigo para que se comprometan a cumprir con esta “esixencia democrática” e para trasladar a súa “total disposición” a participar en todas os debates que organicen os medios de comunicación e os colectivos sociais e veciñais.

“Os debates son unha necesidade democrática, unha obriga para as distintas formacións que concorremos aos comicios municipais”, defendeu Igrexas, que asegurou que, sobre todo, son un “dereito da cidadanía a poder coñecer as alternativas e as propostas, o proxecto de cidade para Vigo que ten cada unha das forzas políticas con representación actualmente no Pleno”.

Másnoticias

Nace un nuevo festival en distintos escenarios de Nigrán con conciertos gratis durante el atardecer

21/07/2026

Una "patisserie" que llegó hace un año a Vigo inaugura su segundo local con dos días de café gratis

21/07/2026

Así, o candidato do BNG chamou os seus homólogos Abel Caballero (PSOE), Marta Fernández-Tapias (PP) e Rubén Pérez (Podemos-Marea de Vigo) a estar “á altura da esixencia democrática” das viguesas e dos vigueses. “Quero confiar en que as restantes candidaturas estarán tamén dispostas como o Bloque a contrastar, a dialogar e a poñer en común as propostas que temos para Vigo”, salientou.

Igrexas reclamou que o fagan os cabezas de lista “en primeira persoa sen que ninguén se agoche detrás da propaganda”, mais advertiu da necesidade de garantir que os debates teñan “formatos equitativos e respectuosos coa pluralidade” que existe na cidade. “O BNG sempre estamos e estaremos dispostos a debater”, remachou.