O BNG pide a Caballero e Tapias que “deixen de actuar como Pimpinela” na reforma de Gol

O Bloque Nacionalista Galego vén de pedir o alcalde de Vigo, Abel Caballero, e a vicepresidenta da Deputación provincial, Marta Fernández-Tapias, que “deixen de actuar como Pimpinela” para desbloquear a reforma da bancada de Gol. Así o demandou este martes o portavoz municipal do BNG, Xabier P. Igrexas, que reprochou que tanto o PSOE como o PP utilicen tamén o estadio municipal de Balaídos como “refén da súa permanente disputa partidista en lugar de cooperar en favor da cidade" nunha "sobreactuación" política.

Igrexas reiterou a proposta de constituír unha comisión para a reforma do estadio municipal de Balaídos que permita desbloquear esta situación “inxustificábel e delirante” arredor do financiamento da obra. O voceiro nacionalista considerou necesario que participen nesta comisión o Concello de Vigo e a Deputación provincial, mais tamén a propia Xunta “que non pode seguir escaqueándose da reforma do estadio municipal da maior cidade galega”.

Másnoticias

Vecinos de Teis señalan que la vegetación ocupa calles y caminos y piden al Concello que la rocen

21/07/2026

Un boleto de la Bonoloto sellado en Coruxo deja un premio de más de 30.000 euros en Vigo

21/07/2026

“Unha comisión que sirva de espazo de cooperación entre as diferentes Administracións pero tamén para a participación social”, defendeu o portavoz do BNG de Vigo. Chamou nese sentido a contar co Real Club Celta como principal usuario do estadio, e dar tamén voz á afección a través da Federación de Peñas do club, ao movemento veciñal da contorna e ás persoas usuarias das pistas de atletismo de Balaídos “toda vez o propio Goberno municipal condicionou a reforma das instalacións á da bancada de Gol”.

“Trátase dunha proposta que ten por obxectivo reorientar a chapuceira xestión que converteu o que algún prometeu como o Guggenheim do fútbol –en relación a declaracións do alcalde- nunha especie de versión deportiva da Sagrada Familia”, subliñou Igrexas. Lembrou así que a reforma de Balaídos debía ter rematado en 2017, como comprometeu o propio Abel Caballero.

Sobre o papel da Deputación, o voceiro nacionalista advertiu a Marta Fernández-Tapias que a fronte nacionalista “non lle vai permitir nin tolerar que lle negue á cidade os recursos que lle corresponden” por parte do ente provincial. “A posición do BNG en relación a Balaídos foi a mesma dende un inicio: a cidade precisa e merece dun estadio municipal seguro, funcional e moderno”, remachou Igrexas.