O Bloque Nacionalista Galego formulou doce emendas ao proxecto de nova ordenanza municipal de terrazas do Concello de Vigo. As achegas da fronte nacionalista teñen un carácter “construtivo e positivo” e buscan, aseguran dende a formación, mellorar o texto elaborado polo Goberno, "a favor da conciliación do uso do espazo público pola hostalaría e do dereito de tránsito das veciñanza", con especial atención á protección da accesibilidade das persoas con diversidade funcional ou mobilidade reducida.
O concelleiro do BNG de Vigo, Xabier P. Igrexas, deu conta esta mañá das emendas presentadas. Os nacionalistas apostan por aumentar o ancho mínimo do espazo de tránsito para as persoas na beirarrúa até 1,80 metros, como reclaman colectivos de atención á diversidade funcional, precisamente para asegurar un espazo suficiente para a circulación de cadeiras de rodas ou carros de crianzas. Neste mesmo sentido, defenden que se estabeleza unha distancia de como mínimo un metro desde a liña de terrazas cos portais e accesos a vivendas e fincas.
Ademais, as emendas do Bloque procuran "perfeccionar" a ordenanza no relativo á instalación e fixación de elementos na vía pública. Defenden que a modificación dos horarios recollidos sexa acordada polo Pleno e non pola Xunta de Goberno, ao considerar que “non ten sentido aprobar un horario na ordenanza para que logo poida ser modificado de maneira discrecional ou arbitraria polo Goberno”.
En relación á instalación de terrazas en zonas de aparcamento sobre a calzada, que é unha das principais novidades da ordenanza, o Bloque reclama que se incorpore a esixencia de garantías tanto de seguridade viaria como de accesibilidade desde a beirarrúa. “As doce emendas do BNG son propostas construtivas e en positivo, que perseguen fundamentalmente unha mellor conciliación do uso do espazo público pola hostalaría co dereito de tránsito da veciñanza e a accesibilidades das beirarrúas”, resumiu Igrexas.
De socialista a socialista, Caballero felicita al nuevo alcalde de Nueva York con el tema de Bad Bunny "NuevaYol" como banda sonora
El grupo biofarmacéutico entregará sus reconocimientos anuales en una gala que tendrá lugar el próximo martes 11 de noviembre
La Xunta envía una carta a Caballero para proponerle un acuerdo global. Buscan "desbloquear estas actuaciones paralizadas" en Vigo
Estos trabajos supondrán una inversión de unos 3,36 millones de euros. Se incluyen cambios con respecto al proyecto original
Maratón de cortometrajes en pleno centro de Vigo. El Casco Vello acoge una proyección con algunos de los cortos más premiados de Galicia
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL