Os sons de África abren a nova edición do Festival SinSal

La música africana, protagonista de la primera jornada del SinSal // OLALLA LOJO




O cartel secreto do xoves de xullo en Sinsal SON Estrella Galicia levou sons de África á Illa de San Simón (Redondela). As primeiras en saír ao escenario Les Filles de Illighadad, un trío de mulleres tuareg de Nixer; despois foi a quenda, do proxecto galego Son da Memoria e pechou o cartel do primeiro día o músico guineano Alex Ikot. Ademais, na tarde do xoves artistas e poetas pariciparon nas sesións de gravación de Aleksander Kolkowski, que os rexistrou en cilindros de cera, e abriuse Zona Intermareal, unha iniciativa en colaboración coa Facultade de Belas Artes de Pontevedra.

Sen colgar o cartel de sold out, pero con case 700 persoas na illa, arrancou o Sinsal SON Estrella Galicia 2018. O primeiro directo, o de Les Filles de Illighadad. En Agadez, no centro de Níxer, na metade dunha rexión famosa por ter un dos climas máis extremos da terra, Fatou Seidi Ghali aprendeu a tocar a guitarra de forma autodidacta na súa casa de barro. Este grupo de mulleres tuareg está triunfando en Europa coa súa impoñente e hipnótica proposta.


É do teu interese: As actividades que fan do SinSal o festival máis singular de Europa






No Escenario San Antón New Balance tamén tivo lugar o concerto Son da Memoria, proxecto do músico e compositor redondelán, Seso Durán, cun relato sonoro da represión e do drama da Guerra Civil. Un fío que conecta pasado con presente, palabra con paisaxe e a historia política coa música popular inspirada nos movementos do rock internacional.

A xornada do xoves pechouse no escenario Buxos Fest Galicia ( que leva o nome da marca promovida pola Xunta de Galicia en apoio ao desenvolvemento dos festivais galegos). Alex Ikot foi o primeiro dos dous convidados que o Festival Vis a Vis, organizado por Casa África en Guinea Ecuatorial, traerá a San Simón. Álex Ikot é, quizáis, o máis internacional dos músicos locais, ao tocar durante a súa longa carreira con algúns dos máis grandes artistas africanos como Manu Dibango e Youssou N’Dour, ou iniciar os seus pasos ao lado do batería máis coñecido do continente, o mítico Tony Allen.

Primeros asistentes a la nueva edición del SinSal // OLALLA LOJO

Aleksander Kolkowski e Zona Intermareal

Tamén o xoves comezaron as sesións abertas con Aleksander Kolkowski na Illa de San Antón coa participación de poetas e artistas. Compositor, violinista e investigador,o seu proxecto de maior envergadura até o momento é Phonographies, un arquivo de músicos contemporáneos, artistas e escritores gravados exclusivamente en cilindros de cera. Músicos e poetas, que participan no festival, deixarán registro nos cilindros de cera do británico Aleksander Kolwoski durante os cuatro días do evento.

¿NO TIENES EL SERVICIO DE ALERTAS DE WHATSAPP?
Saber todo lo que ocurre en Vigo y su área metropolitana es ahora más sencillo, rápido y directo.

Darme de alta <> Quiero saber más

Como xa aconteceu o pasado ano, a Facultade de Belas Artes, Campus Crea S2i e o festival presentaron un proxecto común na Capela da illa de San Simón: zona intermareal, con obras de Noa Rodríguez e Cristian Benítez.

Deja un comentario

Tu dirección de correo electrónico no será publicada. Los campos obligatorios están marcados con *

*