Primeiras multas en Salceda por non empregar a máscara protectora

A fin de semana das Festas do Cristo saldouse coas primeiras denuncias por non empregar máscara protectora. Garda Civil e Policía Local reforzaron a vixianza no municipio por mor das festas, e deste xeito producíronse as primeiras denuncias vinculadas ao uso da máscara protectora.

Dende o pasado domingo o uso da máscara é obrigatoria aínda que exista a chamada “distancia de seguridade”. O equipo de goberno valorou dun xeito moi positivo o comportamento en xeral da veciñanza nos eventos organizados con motivo das festas do Cristo, nos que a poboación cumpriu as normas con seriedade, garantindo deste xeito a seguridade. Sen embargo, conscientes de que existen persoas que seguen a saltarse a norma, as forzas de seguridade fixeron unha especial vixianza, sancionando naqueles casos nos que foi preciso, como no caso dunha traballadora dun local de hostalería que atendía ao público sen empregar a máscara.

Másnoticias

Comprar en Salceda tiene premio con este curioso "Rasca e Gaña" que promete sorprender

13/08/2025

Abren el juicio contra el acusado de asesinar a un joven en una discoteca de Salceda

08/08/2025

Na mesma fin de semana, a Policía Local personouse nunha festa privada nunha vivenda do casco urbano, ante as chamadas da veciñanza polos ruídos ata altas horas da madrugada que se viñan producindo ultimamente.

A alcaldesa de Salceda, Loli Castiñeira, sinala que “para unha convivencia pacífica é imprescindible o respeto entre as persoas. Todos e todas temos que cumprir coas regras para acabar con esta pandemia. Non se pode ter un policía por cada persoa, e é preciso concienciarnos do problema e aportar o noso granciño de área individual en beneficio do colectivo”.