Protesta pola ausencia de mestres na Escola Municipal de Artes e Oficios

Protesta esta tarde na Escola Municipal de Artes e Oficios. Un dos símbolos da cidade, que mesmo inspirou a Domingo Villar na súa última novela “O último barco", está sen mestres. Así o denuncia unha parte do alumnado, que convoca para ás 20:00 horas unha concentración “en defensa dos dereitos das alumnas e alumnos” e instan ao Concello de Vigo á “contratación de mestres de taller”.

O cartel da reivindicación é claro. Destaca o longo e glorioso pasado da EMAO, un centro que vén de celebrar unha serie de actos para conmemorar os seus 130 anos formando parte de Vigo. O problema reside no presente, nun presente no que non hai mestres en todos os talleres. De feito, o comezo das clases nas especialidades de Pintura, Debuxo Artístico, Ourivaría, Moda e Confección e Serigrafía artística está pendente da realización dos procesos para a selección do profesorado das mesmas.

Másnoticias

Vuelve a la plaza pública de Vialia Vigo el gran evento gastro con las hamburguesas más "top" de España

21/07/2026

Xunta y Diputación "blindan" el nuevo festival de Vigo, Xornada Cultural de Galicia: habrá nueva fecha

21/07/2026

No comunicado emitido pola EMAO ao alumnado sinalase que o proceso selectivo de mestres para Pintura, Debuxo artístico, Ourivaría, Moda e Confección e Serigrafía artística iniciase coa publicación no Boletín Oficial de Pontevedra do pasado 25 de setembro cando os contratos dos profesores remataban o día 13. Con isto, destacan que “é previsible que as probas correspondentes teñan lugar a partir da terceira semana de outubro, co que a previsión do inicio das clases nestas especialidades, co profesorado incorporado, sería a finais do vindeiro mes de novembro. O resto das especialidades comezaron o curso con normalidade o 1 de outubro.

O alumnado protesta. Apunta que o Concello de Vigo “non respecta os dereitos dos cidadás matriculados” na Escola Municipal de Artes e Oficios e denuncia que o goberno local “adoita deixar sen cubrir as prazas vacantes dos mestres en situacións previsibles de baixas prolongadas” como pode ser por maternidade, xubilacións ou convocatoria de bolsas de traballo.

As e os estudantes da EMAO protestar de que se ven privados da formación durante longos períodos de tempo e sosteñen que non reciben ningunha explicación dende o Concello. O alumnado esixe á Corporación municipal listas de contratación permanentes para substitucións en ausencias ou baixas de profesores, recuperación das horas perdidas nos casos que se produzan, evitar a suspensión de clases e unha maior axilidade e puntualidade nas convocatorias.