Rueda reivindica a honestidade e a coherencia de Nico Montes para ser o próximo alcalde de Tui

O presidente do PPdeG reivindicou a honestidade e a coherencia de Nico Montes para que o 28 de maio ningún voto se perda nas urnas e se malgaste en gobernos de partidos que perden o seu tempo traballando en contra do progreso de Tui. Neste sentido engadiu que o candidato ten "un equipo forte e valente que quere gobernar con responsabilidade, poñendo en marcha iniciativas ligadas ao benestar da xente, como a creación de industria que xeren postos de traballo ou o fomento do deporte".

Alfonso Rueda reivindicou que o alcaldable popular coñece ben a administración local porque tivo responsabilidades de goberno que o fixeron máis consciente das necesidades da vila. Por iso invitou aos veciños a sentirse identificados co seu proxecto, porque vai gobernar para todos, sen excluír a ninguén. Entre os plans do Goberno galego está finalizar a conexión da autovía Tui-A Guarda coa A-55, que conectará a comarca con Portugal cunha vía de altas prestacións de libre pago, e seguir reclamando ao Goberno central que poña en marcha as conexións que Galicia precisa con Portugal. Rueda destacou a situación estratéxica de Tui para recibir inversións de carácter internacional, como pasa coa Eurorrexión.

Másnoticias

Alertan que la espera para ser atendido en Vigo en la Concellería de Política Social se eleva a un mes

19/08/2025

Tomiño propone disfrutar esta semana de cuentacuentos, concierto y una ruta cultural

18/08/2025

Pola súa banda, o candidato do PPdeG á Alcaldía de Tui, Nico Montes, comprometeuse a liderar o futuro de Tui porque ten un equipo “preparado para gobernar e ilusionar” aos veciños da cidade para “facela tan grande como o seu pasado e infinita como o seu futuro”. Montes quere ser recoñecido pola “transparencia na xestión, axilidade na resolución de problemas e a conexión coa realidade” para ser capaz de escoitar a todos os veciños e ofrecerlle respostas en todo o que necesiten.

Entre as súas prioridades asegurou que, se gaña as eleccións, solucionará “o caos circulatorio no centro de Tui, que fai que circular pola cidade sexa un inferno” e cambiar a iluminación en parte do núcleo urbano “por imaxe e, principalmente, por seguridade”. Outros dos seus compromisos pasan por dar resposta á falta de estacionamento coa construción dun “aparcamento en altura enriba do actual aparcamento de autobuses”, a creación dunha ampla zona verde arborada “para que desfruten nenos e maiores na traseira da Área Panorámica”, un centro de día e un plan estratéxico de turismo.