Salceda impulsa un novo Programa Integrado de Emprego en prol da inserción laboral

O Concello de Salceda de Caselas ven de recibir unha subvención de 250.000 euros da Xunta de Galicia para poñer en práctica un novo "Programa Integrado de Emprego de Galicia", que beneficiará a 100 desempregados e desempregadas con diferentes perfís e nivel de cualificación. As persoas beneficiarias do programa integrado de emprego participarán nun mínimo de cinco accións individuais e tres accións de distinta natureza de xeito activo durante a duración do programa.

A formación agrupase en tres itinerarios formativos: un sociosanitario, no que se impartirá formación vinculada ao ámbito; un de almacén e transporte, no que se incluirá a obtención de dos permisos de conducir B e C; e un de industria, no que se incluirá formación relacionada coa automoción e procesos de fabricación en xeral. Ademais faranse prácticas formativas en empresas da zona coas que o Concello xa ten establecidos convenios de colaboración: Aceesca, Febeco, Playdesa, Industrias Proa e Sociser Galicia. Tamén colaboran a través de convenios a Asociación de Comerciantes e Industrias de Salceda "ACISA" e a Entidade Urbanística do Polígono de A Granxa.

Másnoticias

Salceda anuncia una traca cultural con 20 eventos en tan solo 15 días de julio

03/07/2025

Salvaterra y Salceda ponen fecha a la apertura de sus piscinas municipales

18/06/2025

O obxectivo da iniciativa é cumprir co compromiso de inserción laboral marcado dun 45%. "Os programas integrados de emprego son unha da políticas activas máis eficaces para mellorar a empregabilidade e a inserción laboral das persoas e reducir o desemprego. No anterior programa integrado executado en Salceda acadouse unha inserción de case un 60% e estou segura de que se cumprirá o obxectivo de novo“, explica Verónica Tourón, alcaldesa e responsable da área de emprego e formación.

O Concello de Salceda conta co Centro de Desenvolvemento Local O Torrón para levar a cabo este tipo de programas, onde xa se está a desenvolver un obradoiro de emprego dual dende o pasado 22 de outubro, ademais conta cun servizo de orientación e un técnico de emprego. Dende aquí se xestionará o programa con persoal técnico especializado.

Todas as persoas interesadas deberán estar anotadas na oficina de emprego y preinscribirse no seguinte formulario http://ow.ly/TAMu50GX62U ata o venres 3 de decembro.