A partir deste xoves 1 de agosto, reactivarase o control na zona azul de Tui de estacionamento gratuíto limitado no tempo. Esta zona azul abrangue un centenar de prazas de aparcamento no Paseo da Corredeira, dende o cruzamento con Rosa Bahamonde até os soportais, a rúa Augusto González Besada, e as rúas Foxo e Rosa Bahamonde e as súas travesías. O estacionamento gratuíto limitado no tempo a hora e media aplícase nestes viarios de 9:00 a 14:00 horas e de 16:00 a 21:00 horas, salvo domingos e festivos, segundo se recolle na Ordenanza Reguladora aprobada en 2008.
A Policía Local encargarase de controlar estas prazas para “garantir así a mobilidade dos vehículos estacionados”, apuntan dende o goberno municipal. Lémbrase que se debe colocar o disco horario coa hora de chegada en lugar visible no parabrisas. O disco pódese adquirir, por un prezo de 0,60 euros, na tesourería na casa do Concello. Tamén se pode empregar o disco de zonas azuis doutros concellos.
Por outra parte, o Concello de Tui lembra que no centro urbano existen zonas de estacionamento sen límite de tempo coma o aparcamento municipal na traseira da Área Panorámica, e os habilitados na rúa Irmáns Maristas, A Guarda e Coengo Valiño.
A Facultade de Bioloxía presenta o proxecto Montes Vigo 2046, unha iniciativa que chega da man da Mancomunidade de Montes de Vigo
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL