Vigo, escenario en abril da primeira Olimpíada da Enerxía que se organiza en España

A Universidade de Vigo será esta primavera escenario da primeira Olimpíada da Enerxía que se organiza en España, un novo proxecto de divulgación científica organizado desde a Escola de Enxeñaría de Minas e da Enerxía e financiado pola Fundación Española para a Ciencia e a Tecnoloxía, FECYT. Será en abril e participarán alumnado de 4º da ESO, Bacharelato e ciclos superiores de Formación Profesional de 17 institutos de toda Galicia.

“Con esta Olimpíada queremos contribuír ao coñecemento do sector enerxético, prestando especial interese en identificar o papel que ten na vida das persoas, no noso día a día, dispor dun subministro fiable, seguro, sostible e compatible co medio de enerxía térmica e de enerxía eléctrica”, explica na web do evento a directora da escola, Elena Alonso, ao que engade que, ao mesmo tempo, búscase espertar curiosidade e interese sobre o sector enerxético e combater a desinformación sobre o mesmo. “É un sector do que diariamente hai noticias en prensa e redes sociais e queremos contribuír para que as persoas que participen no proxecto comprendan a información e mesmo poidan identificar datos ou informacións e aseveracións erróneas”, engade a directora.

Másnoticias

¿Cómo son los arquetipos femeninos del género de terror? Un curso los analiza en Vigo

04/06/2026

El fotógrafo de Vigo que conquista a España con la imagen de un fotomatón

03/06/2026

Este mes arranca a formación nos institutos e…

A diferenza doutras probas deste tipo, a Olimpíada da Enerxía non se limitará a unha simple competición, xa que, tal e como afirma Alonso, a olimpíada ten un forte compoñente formativo, polo que xa se puxo a disposición do profesorado dos centros participantes recursos didácticos específicos para que poidan empregalos na aula.

Dispoñibles na propia web, estes recursos didácticos están clasificados en cinco liñas temáticas: enerxía, sociedade e clima; enerxía térmica; enerxía eléctrica; economía circular/eficiencia enerxética e mulleres enerxéticas. Para cada un dos temas hai vídeos explicativos co persoal investigador responsable de cada un destas liñas, unidades didácticas, presentacións, xogos, glosarios de termos, kits de ArduIno para desenvolver as distintas probas…

... a competición final será o 9 de abril

Tras esta primeira parte, totalmente formativa e que se desenvolverá de xaneiro a abril, chegará a competición propiamente dita, o 9 de abril nas instalacións da escola, e na que se incluirá un conxunto de seis probas: dúas obrigatorias para todos os centros educativos e outras dúas optativas, a escoller entre un conxunto de catro. As dúas probas obrigatorias son unha proba individual teórica -exame tipo test ou de respostas curtas- e Mulleres enerxéticas, unha actividade na que os distintos equipos terán que elaborar un conxunto de fichas sobre o papel e/ou contribución das mulleres no sector enerxético, fichas coas que se fará unha pequena exposición o día da Olimpíada.

As probas alternativas desenvolveranse tamén en equipo e inclúen a automatización e programación dun sistema de placa solar fotovoltaica con axuda dun Kit Arduino; a exposición dun tema cos recursos e material que irán preparando ao longo destes meses; outra sobre fake news e un debate no que defender e argumentar unha decisión sobre o tema proposto.

Múltiples premios, incluído ás mellores alumnas

Concederanse premios aos centros educativos, premios por probas e uns premios especiais ás mellores alumnas e, a maiores, todo o alumnado participante recibirá diploma e medalla de participación e un pequeno agasallo da Escola de Enxeñaría de Minas e Enerxía.