A alfombra floral que une aos pobos de Irlanda e Ponteareas

A concelleira de Ensino, Cristina Fernández Dávila, quixo trasladar en primeira persoa a arte ancestral das alfombras florais aos quince alumnos e alumnas irlandeses que un ano máis visitan Ponteareas dentro do programa Erasmus.

No IES do Barral, os trinta alumnos e alumnas participantes no proxecto asistiron a un obradoiro impartido por alfombristas de Ponteareas no que ademais de coñecer os materiais naturais que se empregan introducíronse na técnica de alfombrar ao xenuino estilo “Ponteareas”. Concelleira e alfombristas trasladaron ao alumno a importancia social e turística do Corpus e as actividades que se desenvolven no marco destas festas.

Másnoticias

Atracciones con descuentos y sin ruido este domingo en las Festas de Setembro de Ponteareas

30/09/2022

Los globos de San Miguel desafían al viento en la recta final de las Festas de Setembro de Ponteareas

29/09/2022

Tuia, fiuncho, coca de eucalipto, casca de arroz, caraveis ou queiroa (brezo) son algúns dos materiais naturais que deixaron o seu arrecendo na mans do alumnado ponteareán e irlandés.

Co obxectivo de promocionar a nosa arte efímera única no mundo polo seu sentir e pola súa longa tradición, a concelleira Cristina Fernández, que tamén é alfombrista colaborou na confección desta alfombra na que se reproducía o escudo dos dous lugares.

Esta tarde tamén desputarán no campo da Lomba un partido de fútbol gaélico no que os de Tuam amosarán parte das súas tradicións deportivas aos de Ponteareas.