A directora xeral de Administración Local, Natalia Prieto, e o director xeral de Emerxencias e Interior, Santiago Villanueva, fixeron este mércores balance do programa galego de vixilancia e control fronte á vespa velutina acordado entre a Xunta e os concellos a través da Federación Galega de Municipios e Provincias (Fegamp).
Nun encontro con representantes da empresa pública Seaga, da central de chamadas do 012 e do 112 Galicia lembraron que, como cada verán, reforzarase desde o 15 de xullo ata mediados de setembro a liña específica do Teléfono de Atención e Información á Cidadanía 012 para atender os avisos de niños de velutina coincidindo coa época de maior proliferación desta especie.
Así, esténdese a cobertura a todos os días da semana en horario entre as 08:00 e as 20:00 horas, mentres que o resto do ano está activa de luns a venres tamén nese horario e os sábados de 08:00 a 17:30 horas.
Prieto incidiu na importancia da colaboración cidadá e na necesidade de que contacten co teléfono 012 cando detecten un niño de vespa velutina e informen da súa presenza co obxectivo de minimizar o seu impacto e frear o seu avance na comunidade.
Ademáis, manterase o chatbot posto en marcha en xullo do ano pasado para comunicarlle á Xunta a presenza de niños de vespa velutina como vía complementaria ao Teléfono de Atención e Información á Cidadanía 012. A través desta canle de comunicación recibíronse desde a súa posta en marcha e ata a semana pasada máis de 5.600 interaccións. Trátase dunha contorna de chat similar á doutros servizos en liña, que conta con opcións pechadas de resposta para guiar os usuarios co obxectivo de rexistrar o aviso de forma adecuada. O servizo está dispoñible as 24 horas do día os 365 días do ano e pódese acceder desde a páxina web.
Outra vía complementaria na xestión de avisos que se estrea como novidade neste ano é un axente virtual, un robot de voz baseado nos últimos avances en linguaxe natural e con tecnoloxía de última xeración e intelixencia artificial que funciona as 24 horas do día e se atopa integrado na ferramenta de xestión de avisos. Nesta liña, o Goberno galego mantivo o servizo de comunicación de resolución de avisos mediante SMS coas persoas que deron a notificación para informalas, o que supuxo no primeiro semestre deste ano máis de 5.500 mensaxes enviadas.
Neste servizo integrouse o ano pasado a aplicación Controlvelutina, que os efectivos de Seaga empregan para xestionar os avisos introducindo en tempo real os datos de xeolocalización e fotografías do niño, as observacións de cada caso e o resultado final. Xa se realizou ademais a súa integración cos servizos de emerxencias do 112. Permítese así que se poidan derivar de forma automática os avisos para mobilizar os medios de retirada nos casos máis urxentes.
Pola súa parte, o director xeral de Emerxencias e Interior aclarou que cando os avisos se corresponden cunha urxencia ou son de risco especial por estar en lugares moi concorridos derívanse aos servizos de emerxencia do 112 para a súa retirada inmediata. Puxo como exemplos niños activos no interior de vivendas habitadas ou en establecementos singulares ou de pública concorrencia.
O operativo da empresa pública Seaga encargada da encomenda da retirada dos niños desta especie nos 311 concellos galegos adheridos desprazou efectivos en máis de 5.000 ocasións entre xaneiro e xuño. Desta cifra, máis de 2.000 casos corresponden con niños eliminados ou neutralizados -957 na provincia da Coruña, 830 na de Pontevedra, 163 na de Lugo e 105 na de Ourense-, pero cómpre aclarar que noutros 2.155 avisos atendidos tratouse de niños inactivos. Ademais, noutros 516 casos non procedeu actuar por tratarse de especies distintas da vespa velutina ou por non poder visualizarse de forma directa, e en 142 supostos tratábase de avisos duplicados xa comunicados por outros cidadáns.
Na maioría dos 2.000 niños retirados, os efectivos de Seaga levaron a cabo os traballos nun prazo de menos de cinco días hábiles. En caso de existir dificultades para o acceso, realizáronse as actuacións necesarias para proceder coa maior rapidez posible.
Las fuerzas policiales mantienen abierta la instalación después de que los autores del atraco se llevaran todo el dinero en efectivo
El suceso se produjo sobre las 14:30 horas de este viernes y fue Protección Civil de Ponteareas quien dio la voz de alarma
El gasto medio de los gallegos en verano alcanza los 947 euros, un 2% menos que en 2023. El principal gasto fue en salir a comer fuera
Las transferencias de vehículos de ocasión en Galicia cayeron un 7,6 % en agosto, hasta las 9.786 unidades
Dotado de equipamento punteiro, dá apoio a diferentes universidades e empresas así como a centros tecnolóxicos
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL