O comercio do Morrazo planta cara a Amazon: agora, envía gratis a domicilio no seu marketplace

O comercio do Morrazo está decidido a poñer todas as ferramentas necesarias para adaptarse á nova realidade e lograr que os cidadáns continúan mercando no comercio de proximidade, aínda que sexa a golpe de clic. Tras poñer en marcha unha tenda online ao estilo Amazon na que participan comerciantes de Cangas, Moaña, Bueu e Marín asociados a Fecimo, agora a Federación activa unha nova campaña de promoción con envíos de balde durante todo o mes de marzo.

A campaña, que arrancará o luns 8 de marzo, busca “animar ás persoas a seguir confiando no comercio local e incentivar as compras e pedidos” a pesares da situación de pandemia e os diferentes cambios nos peches perimetrais e restricións de mobilidade en cada concello.

Másnoticias

"Primeras marcas a precios de ganga", llega a O Morrazo el outlet del verano con rebajas del 70%

19/07/2026

El mar de ardora ilumina las playas de las Rías Baixas, ¿cómo predecir cuándo se podrá ver?

18/07/2026

Todos os pedidos que os clientes fagan nos establecementos asociados contarán coa bonificación dos envíos para permitir que tanto negocios como clientes saian beneficiados da iniciativa. A proposta é válida tanto para as canles de venda non presenciais que teña o propio establecemento (como Instagram, Facebook, WhatsApp e outras) como para o gran Marketplace do Comercio do Morrazo que se puxo en marcha en decembro e ao que podes acceder facendo clic aquí.

Dende Fecimo lembran que lévanse moitos anos traballando por ser unha federación de referencia na dixitalización do comercio local da comarca, xa que analiza continuamente o mercado e non quere que ningún dos seus asociados quede atrás. Agora, combinando o centro online do comercio local e os envíos gratuítos (bonificados pola federación), tanto clientes como empresas asociadas gozarán de tódalas facilidades e beneficios destas novas fórmulas de compra”.