A festa do mel en Moaña deste domingo traerá tamén produtos artesáns e gastronómicos

Os "Días de Mar" de Moaña rematarán este domingo a súa programación do xeito máis doce posible. Os xardíns da Casa do Concello acollerán ao longo de toda a xornada do domingo 18 de agosto a primeira Feira do Mel do municipio.

En total, 15 postos achegarán produtos gastronómicos, artesáns e, por suposto, do froito do traballo das abellas e apicultores. De todos eles, sete serán de produtos apícolas, namentres que no resto poderanse atopar xoguetes artesáns, queixos, marmelos, confituras, embutidos ou viños.

Másnoticias

Últimas plazas para disfrutar de dos rutas gratuitas por Monteferro y Praia América en Nigrán

El cadáver momificado hallado en Monteferro, Nigrán, era el de un vecino de Cangas de 43 años

03/06/2026

Evacúan en helicóptero a un hombre tras cortarse con una motosierra trabajando en las Cíes

Fallece un hombre que cayó al mar mientras pescaba en Cabo Udra, en Bueu

31/05/2026

A cita comezará ás 11:00 horas, momento no que se espera xa non haxa nin rastro de chuvia, segundo as previsións das principais axencias meteorolóxicas. De feito, cos cambios na previsión, esperase que o domingo sexa unha xornada de ceos despexados ou anubrados, o que poderá favorecer a celebración da feira. Non en van, os xardíns do Concello atópanse a escasos metros da praia da Xunqueira.

Os concelleiros Coral Ríos e Odilo Barreiro xunto a José María Bello (DAGA)

Ademais dos postos, que segundo explicou a concelleira de Turismo, Coral Ríos, estrearán un novo modelo de madeira e tea branca, haberá tamén actividades ao longo da xornada como un obradoiro de extracción de mel (11:30 e 17:30 horas) ou unha cata de viño tinto co sumiller Antonio Portela -neste caso precisa de inscrición no enderezo electrónico [email protected].

Coma o resto da programación de verán do concello morrancense, os cativos tamén atoparán o seu espazo co espectáculo “Cores, contos e rock’n roll” de Pakolas, que arrancará ás 12:30 horas, e o obradoiro do recoñecido ilustrador Marc Taeger -que dará comezo ás 18:30 horas-.

A cita está organizada en colaboración coa Asociación Galega de Apicultura -AGA- e a súa delegación no Morrazo -DAGA-. Serán eles quen entreguen, sobre ás 12:00 horas, 20 quilos de mel a Iago Aspas -tantos como goles marcou na pasada tempada-. Un agasallo que terá tamén unha pequena contrapartida como é o sorteo de agasallos asinados polo delanteiro do Celta.