A serie ‘Auga Seca’ inicia en Vigo a rodaxe da súa segunda temporada

A serie Auga Seca, un drama policial situado no tráfico de armas e estreado con éxito o pasado ano en RTP, TVG e HBO, regresará cunha nova temporada que inicia a súa rodaxe o vindeiro 1 de febreiro en Vigo, coas máximas medidas sanitarias e protocolos de prevención da Covid-19. A rodaxe extenderase ata mediados de marzo en Vigo e arredores, para logo desprazarse ata Lisboa, onde finalizará a comezos de abril.

Nesta segunda temporada, que terá 8 episodios de 50 minutos, Auga Seca afondará nas orixes dos negocios da familia Galdón e os seus conflitos coa familia de Teresa, a protagonista interpretada pola actriz portuguesa Victoria Guerra. No elenco repiten actores galegos e lusos coma Monti Castiñeiras (Mauro Galdón), Sergio Pazos (inspector Viñas), Eva Fernández (Irene), Belén Constenla (Dulce) ou Adriano Luz (Lázaro), xunto a novas incorporacións ao reparto que se coñecerá proximamente.

Másnoticias

La Vigo 430 inicia los conciertos "más ambiciosos" de su historia para celebrar sus 20 años

19/01/2025

Clamor en Vigo por los errores sufridos por el Celta en Madrid: "Corrupción, en la Federación"

19/01/2025

Auga Seca é unha serie de Portocabo coproducida coa produtora portuguesa SPi para a Rádio e Televisão de Portugal e a Televisión de Galicia. HBO España e Portugal estrearán en primicia esta segunda temporada. A primeira entrega, xa dispoñible, é a primeira serie en versión orixinal en galego que se emite nesta plataforma. Toño López volve asumir a dirección, canda o realizador portugués Sérgio Graciano e baixo a produción executiva de Alfonso Blanco de Portocabo, creador da serie, e de José Amaral de SP-i. O guión corre a cargo de Carlota Dans, Roberto G. Méndez, Miguel Simal, Alfonso Blanco, Nina Hernández e Ana Míguez; a dirección de fotografía é de Lucía C. Pan e Manuel Pintos, e a música de Elba Fernández e Xavi Font.