As bibliotecas galegas abren todo o seu catálogo dixital aínda que non teñas carné

Viaxar a outros lugares sen saír da casa a través dos libros. Unha opción que sempre está con nós será estas semanas máis fácil de aplicar. As bibliotecas galegas veñen de abrir todo o seu catálogo dixital para permitir que os que non sexan socios poidan tamén desfrutar dos libros electrónicos durante o estado de alarma de balde.

En concreto, os usuarios poderán desfrutar duns 4.500 títulos da plataforma GaliciaLe da Xunta de Galicia, que se suman á megaplataforma estatal do Goberno de España, eBiblio, que tamén abre os seus contidos.

Másnoticias

La Xunta lamenta que el Gobierno "vuelva a castigar" a Galicia con un "peaje injusto" en la AP-9

17/09/2025

Rueda justifica ocupar vía pública para el antiguo chalé de Feijóo en Moaña: "Había motivos de seguridad"

15/09/2025

Así, todos os que non dispoñan de carné de biblioteca tan só deberán rexistrarse mediante este formulario. Tras cubrilo, recibirán as claves para acceder á plataforma. Estas estarán operativas ata que finalice o estado de alarma. Unha vez de volta á normalidade, os usuarios dispoñerán de 30 días para recoller o carné na biblioteca e, así, poder seguir usando a plataforma. Estas claves permitirán acceder tanto a GaliciaLe, o catálogo en galego da Xunta, como a eBiblio, o catálogo en castelán do Ministerio de Cultura.

GaliciaLe conta con máis de 4.500 títulos, dos que a maioría están en galego e en castelán, pero tamén os hai en inglés, portugués, francés, italiano, catalán e éuscaro, libros infantís, xuvenís e para adultos. Ademais suma 31 revistas e 300 audiovisuais feitos en Galicia que comprenden longametraxes, curtas ou documentais.

En eBiblio Galicia os lectores poderán atopar ficción para público adulto, incluíndo narrativa, poesía e teatro, obras xerais sobre ciencia e tecnoloxía, ciencias sociais, arte e humanidades, obras xerais relacionadas con cuestións de saúde, autoaxuda e desenvolvemento persoal, formas e actividades relacionadas co lecer, viaxes, deportes e informática de interese xeral. Tamén, ficción orientada ao público infantil e xuvenil, incluíndo narrativa, poesía e teatro, obras de non ficción para o público infantil e xuvenil, incluíndo todo tipo de materias (arte, música, historia, ciencia e tecnoloxía, lecer, deportes, etc.) e audiolibros, versións íntegras da obra escrita, narradas por profesionais e gravadas en formato audio.

Os usuarios poderán descargar aplicacións tanto para iOs como para Android para poder descargar os empréstitos.