O escritor porriñés Diego Giráldez estará no ciclo "Venres D_letras", organizado pola Concellalía de Cultura que dirixe en funcións Hortensia Bautista, para presentar a súa primeira novela, "Hotel para coleccionistas discretos", unha reflexión delirante e divertida sobre as altas esferas de poder, na que nos presenta a un grupo de auténticos psicópatas que xogan con nós, e que empregan o coleccionismo de banalidades como coartada dos seus enredos. A cita terá lugar, como é habitual, este venres, día 15, a partir das 20:30 horas, no Salón de Plenos do Concello de Ponteareas.

A historia nace do pasamento de Amalia Valverde, unha empresaria de éxito integrada neste grupo, formado por outros empresarios, políticos ou banqueiros. Unha homenaxe póstuma nun céntrico hotel, á que acuden todos os seus membros, porá en marcha a trama. Nesa xuntanza, os coleccionistas amosarán o peor das súas facianas e participarán nun xogo no que a súa falla de empatía e o seu carácter psicopático quedarán en evidencia e no que ningún deles será capaz de medir as consecuencias dos seus actos.

Másnoticias

La aparición de gas radón en el centro de salud de Ponteareas pone en alerta a los sanitarios

13/07/2026

Un 'brunch' en una increíble terraza a orillas del río, el chiringuito en plena naturaleza a media hora de Vigo

12/07/2026

Transgresora e, por momentos, esperpéntica, a novela amósase moi apegada á realidade retorcéndoa ata convertila en marerial literario. Para iso, o autor emprega diferentes recursos estilísticos, mesmo diversos narradores, empregando unha linguaxe moi persoal e identificable.

Diego Giráldez é licenciado en Historia da Arte e deuse a coñecer co libro de relatos "Galería de saldos", co que acadou o recoñecemento unánime de crítica e público, convertíndose nun dos escritores de referencia do panorama galego actual.