O Festival de Cans 2018 abre convocatoria cunha nova sección de competición para a non ficción
“Furacáns”. Este é o nome escollido para a nova sección destinada a premiar aquelas obras de non-ficción que “asuman maiores riscos narrativos”. Así explican dende o Festival de Cans esta nova categoría, que xa se testou na pasada edición e que agora será, por primeira vez, de carácter competitivo cun premio de 1.000€ e un xurado específico.
En total, o Festival repartirá case 8.000€ en premios no seu obxectivo por “impulsar a creación de novas e novos creadores audiovisuais en Galicia”. Ademais da categoría “Furacáns”, o festival outorgará entre os seus premios principais 2.000 euros á mellor curtametraxe de ficción, 1.500 euros ó premio do público e 1.500 euros á mellor curtametraxe de animación. A maiores recibirán premios económicos ata completar a cantidade final, as categorías de videoclips e as de mellor realización, mellor guión, mellor interpretación feminina e mellor interpretación masculina.
Os creadores e creadoras galegas que desexen participar con realizadas entre 2017 e 2018 poderano facer dende este martes, 26 de decembro e até o 4 de marzo.
Outra novidade é que por vez primeira, o Festival de Cans habilitará na súa web un apartado para poder inscribir de xeito gratuíto as obras. Tamén segue manténdose a opción da plataforma "Festhome", para quen desexe facelo a través desta vía, cun prezo de 2 euros por cada obra inscrita. O Festival de Cans abre a porta a que creadoras e creadores inscriban libremente obras como documentais e mesmo longametraxes, webseries ou outros formatos, dándolle preferencia na selección a aquelas obras que non fosen estreadas polo momento en Galicia. En base ao material recibido, o Festival de Cans decidirá a incorporación de novas seccións paralelas que poidan enriquecer a programación do festival.
Cando se celebrará o Festival de Cans 2018?
O Festival de Cans, organizado pola Asociación Cultural Arela baixo a dirección de Alfonso Pato, celebra este ano a súa décima quinta edición. Será do mércores 23 ao sábado 26 de maio e, por vez primeira na historia, non coincidirá co Cannes francés. Así, agroglamour e glamour de alfombra vermella non competirán en datas.
Cans viviu en 2017 a súa edición máis exitosas con até 13.000 persoas pasando polos diferentes puntos do recinto, esgotando todas as entradas dispoñibles.
Agenda
Más noticias
Alberto Lema, Ivana Gómez e Santiago Lopo, gañadores dos Premios Xerais 2026
Xerais celebrará unha festa de entrega dos premios no outono, cando os libros xa estean en librarías. O acto terá lugar en Vigo
El festival del "agroglamour" convierte a esta aldea de O Porriño en la capital del cine de España
El Festival de Cans arranca este martes con la proyección de la nueva película de Julio Medem y el homenaje a Celso Bugallo
El gran evento cultural que convierte el rural de O Porriño en salas de cine, así será el Festival de Cans
Del cineasta icónico Julio Medem al adiós de Siniestro Total, así es la programación del Festival de Cans que se celebra en O Porriño
Llega el "incómodo y adictivo" thriller con guiños a Vigo que promete ser un superventas
El escritor vigués publica a finales de mes una nueva novela, "Chantaje". Sigue la trama de Axel, un policía de Vigo, y su compañera Loor
El fotógrafo de Vigo que conquista a España con la imagen de un fotomatón
El vigués Jorge Lens, premiado en un certamen de fotografía urbano promovido por PhotoEspaña. En una convocatoria cerca de 2.500 imágenes
Somos metropolitanos. Somos el digital de referencia en Vigo y su área metropolitana. No te pierdas nada. Todas las noticias de Vigo y su área: cultura, planes, deporte...
Toda la actualidad de Vigo y su área, gratis en tu WhatsApp
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal