O Primavera do Cine muda de datas por culpa da crise do coronavirus

O Primavera do Cine tamén muda de datas. A organización do festival de cine vigués comunica que a nova edición do certame, inicialmente programada para a segunda semana do mes de maio, terá lugar finalmente do 15 ao 20 de setembro. Con todo, o equipo que fai posible o evento sinala que seguirán “atentamente as recomendacións e obrigas propostas polas autoridades sanitarias e as administracións competentes”.

O festival vigués presenta o cartaz desta nova edición, unha imaxe creada pola deseñadora María Llauger, quen xa leva catro edicións embelecendo a gráfico do evento. O Primavera do Cine manifesta a través dun comunicado “a máis profunda solidariedade coas vítimas do COVID19, coas súas familias e a súa xente máis próxima”. O certame de cine expresa o agradecemento a todas as persoas que traballan cada día “para que o mundo, malia todo, continúa xirando”.

Másnoticias

Restos solidificados del vertido de aceite de palma en la ría de Vigo llegan a varias playas de Moaña

05/11/2025

Suecia desde 17 euros o los mercados de Navidad de Europa, la oferta de Ryanair para Galicia

05/11/2025

A decisión do Primavera do Cine coincide con outros eventos de cine como o Play-Doc de Tui ou o Festival de Cans. Ambos festivais xa anunciaron fai unhas semanas o cambio de datas. A cita na parroquia porriñesa terá lugar do 2 ao 5 de setembro mentres que o evento tudense aínda non anunciou as datas definitivas desta edición.