O Baixo Miño convértese estes días en plató de cinema. A produtora galega Loba Films vén de iniciar a rodaxe de “Dúas Cores”, curtametraxe dirixida pola directora Cris Yáñez. A valdeorresa aposta por unha curta intimista que fala sobre a infancia e na que os veráns e a paisaxe do rural galego son elementos claves. Con esta premisa, adquiren especial importancia emprazamentos como o pobo de Vilachán do Monte, no concello de Tomiño, ou os Muíños do Folón e do Picón, en O Rosal.

Porén, a conexión co Baixo Miño non quedará soamente nos seus escenarios. A banda sonora orixinal estará creada polo compositor Andrés Álvarez Hernández xunto coa Agrupación Musical de Goián (Tomiño).

Másnoticias

Tui sigue vibrando con España en el Mundial, habrá pantalla gigante en Praza da Inmaculada

14/07/2026

La danza aterriza en el centro histórico de Tui con tres propuestas diferentes

12/07/2026

A produción apostará polo protagonismo para novas facianas do audiovisual galego, como Claudia Basallo e Sira Rodríguez, mais tamén contará coa colaboración de actrices consolidadas como Mela Casal, coñecida pola súa interpretación en televisión en series -como Mareas Vivas (TVG), Fariña (Antena 3)- e películas -como A Esmorga (2014) ou Vilamor (2008)-, e Melania Cruz, intérprete en Serramoura (TVG) ou nos filmes Trote (2017) e Dhogs (2017), entre outros.

Loba Films é unha produtora audiovisual independente que xorde no ano 2019 como proxecto académico dun grupo de alumnos de comunicación audiovisual. Dende ese momento este grupo segue creando proxectos únicos e especiais, resaltando o poder da muller e da paisaxe galega. Deste xeito, manifestan novamente a súa necesidade de dar voz a historias ocultas.

Ata o momento realizaron dúas pezas máis: A ninguna parte de Pedro Vilas e Na memoria da túa esposa, tamén de Cris Yáñez. Grazas a estas curtas foron seleccionados e galardoados en festivais de cine de gran importancia como o Curtas Armadiña, Curtocircuito, Festival de Cine de Zaragoza, XoCIVIGA, Cans, Primavera do Cine, etc. Tamén realizaron un videoclip titulado “Drifting Away” dirixido por David Cruces en colaboración cunha cantante danesa.