O BNG pide poñer fin ao "caos" das obras de Vigo que "colapsan" diferentes puntos da cidade

O Bloque Nacionalista Galego propón unha Comisión de Seguimento da Obra Pública en Vigo diante da situación de “caos” que, aseguran, se vive en moitas rúas da cidade. A fronte nacionalista pide incorporar neste organismo ao movemento veciñal, ás organizacións sindicais e a persoas expertas co obxectivo de poñer fin "ao colapso de numerosos ámbitos de Vigo", así como realizar un control exhaustivo que impida as "habituais demoras" que se producen na execución dos traballos.

“Hai que poñer racionalidade na xestión da obra pública e asegurar que as empresas adxudicatarias cumpren escrupulosamente tanto cos prazos como coas condicións nas que se ten que desenvolver”, explicou o concelleiro do BNG en Vigo, Xabier P. Igrexas, que cualificou de “nefasta” a planificación e xestión das obras por parte do Goberno municipal de Abel Caballero.

Másnoticias

Campaña en Vigo para que el estadio de Balaídos no lleve el nombre de Abanca: "É público, é vigués"

04/06/2026

Luisa Sánchez ratifica la "plena disposición" de la Diputación para financiar que Vigo acoja el Mundial

04/06/2026

Igrexas puxo como exemplo deste caos a situación na Avenida Martínez Garrido, onde nas últimas semanas veñen rexistrándose importantes retencións do tránsito por causa dos traballos para a humanización da rúa. Criticou tamén a paralización “inexplicábel” de obras como a instalación das escaleiras mecánicas na rúa Talude e que se dilaten proxectos como a humanización da Aragón, iniciada en 2012 e aínda pendente da última fase nunha rúa de apenas un quilómetro.

“O BNG cremos que hai outra maneira de planificar para evitar o colapso do tránsito e que as obras se eternicen e produzan evidentes molestias”, demandou o edil nacionalista. “Diante da incompetencia do Goberno local, cremos que é momento de sumar máis voces para poñer remedio a este caos”, subliñou Igrexas.