Fálame delas: Baiona busca ás mulleres esquecidas da súa historia

O Concello de Baiona vén de lanzar o proxecto “Fálame delas”, unha iniciativa que busca historias das mulleres do municipio que “deben ser contadas”.

“Nos museos, nos nomes das rúas, na lista de nomeamentos dos premios Nobel, nos libros de historia, na memoria colectiva, na memoria local… a pregunta é onde están as mulleres? A pesar dos obstáculos e a discriminación, moitas estiveron aí deixando a súa pegada na historia da humanidade, marcando un punto de inflexión na súa época. Pero non aparecen, non están. Foron completamente borradas do mapa. Esquecidas. Silenciadas. Invisibilizadas. Condenadas a permanecer na sombra. É hora de rescatalas”, explican dende o Goberno local.

Másnoticias

Baiona se llena de verbena con dos de las mejores orquestas de Galicia por la Festa do Carme

10/07/2025

Nigrán acoge "la mayor competición de hamburguesas hasta la fecha": ¿Cuál es la más sabrosa?

10/07/2025

Así, co gallo de recuperar a e buscar historias de mulleres locais, o Concello vén de abrir o correo electrónico falamedelas@baiona.gal para que todo aquel que o desexe poida enviar historias de mulleres da vila porque “a historia de Baiona tamén se escribe en feminino”.

“A idea é que a veciñanza mande historias de mulleres que coñecen ou coñeceron, avoas, tías, nais, veciñas, etc. Queremos recompilar historias da nosa vila vividas pola outra metade que case nunca conta”, sinala a Concelleira de Igualdade, Yasmina Moreira Costas.

En caso de non ter correo electrónico a información pódese mandar por correo postal á dirección do Concello de Baiona, Rúa Lorenzo da Carreira, S/N, 36300 Baiona,  especificando “Concellería de Igualdade”. Ademais, a Concellaría instalará en cada un dos centros escolares municipais unha caixa de correos para a recollida específica destas historias. É importante deixar un contacto para poder comunicarse con a persoa que achega a historia, para ampliar información ou solicitar material gráfico si fora posible. As persoas interesadas en dar luz ás historias das mulleres de Baiona poderán facelo até o 15 de outubro.