A Editorial Belagua presenta en Vigo o álbum "Rosaura e o mar"

A editorial Belagua presenta este xoves, 10 de maio, o libro infantil "Rosaura e o mar" escrito por Isabel Blanco e ilustrado por Luz Beloso. O acto terá lugar ás 20:00 horas na Casa del Libro de Vigo e nel participará, xunto ás autoras, a patrona maior da Cofradía de Pescadores de Arcade e presidenta da Asociación Nacional de Mujeres do Mar, Rita Míguez.

O álbum, de 36 paxinas ilustradas a toda cor, está escrito en verso e rende homenaxe ás traballadoras do mar achegándonos, a través do personaxe de Rosaura, que desenvolve todos os labores relacionados co mar, o coñecemento de detalles sobre a pesca, o marisqueo, os arranxos de redes, a venda nas lonxas ou, entre outros, o traballo nas conserveiras.

"Rosaura e o mar" é o segundo título da colección Rosaura, iniciada con "As receitas de Rosaura", libros ambos que estimulan a imaxinación e os sonos dos lectores máis novos, a través da divulgación de aspectos relacionados coa súa realidade social máis próxima.

Ademais da presentación deste xoves, co gallo do lanzamento de "Rosaura e o mar", a Casa del Libro de Vigo acollerá o vindeiro sábado, día 12 ás 18:30 horas, un taller de ilustración infantil dirixido por Luz Beloso, que ensinará aos participantes técnicas e recursos para a creación dunha personaxe. Precisamente, no mes de decembro, Metropolitano.gal conversaba coa escritora e a ilustradora con motiva da publicación da primeira "aventura" de Rosaura.

Así son as autoras de Rosaura

Isabel Blanco (Vigo, 1962) é autora dos libros de relatos "Historias de almas inquietas" e "Los mundos ajenos" e do poemario «Verbas cum», todos publicados por Belagua Ediciones. O seu espírito sensible e apaixonado revelouse aos primeiros lectores no libro "As receitas devRosaura", que recibiu en 2017 o terceiro premio «Fervenzas Literarias» ao Mellor Libro devLiteratura Infantil e Xuvenil. A súa obra poética e narrativa foi premiada en distintos certames.vExerce en Vigo como avogada especialista en Familia e Violencia de Xénero.

Luz Beloso (Monforte de Lemos, 1968). Exerce como profesora de Plástica e desenvolve iniciativas para aplicar a creatividade no ensino nun instituto de Moaña (Pontevedra). É coautora dos contos infantís "Rosaura e o mar", "As receitas de Rosaura", "Mel, unha mosca agradecida", "O valente coello que quixo soñar" e "O soño de Esther", este último doble finalista en 2014 dos prestixiosos premios "Isaac Díaz Pardo" ao Mellor Álbum Ilustrado Galego e "Neira Vilas" ao Mellor Libro Infantil e Xuvenil.

Deja un comentario

Tu dirección de correo electrónico no será publicada. Los campos obligatorios están marcados con *

*