Aberta a inscrición para os axudantes dos Reis Magos na Guarda

As nenas e nenos que queiran acudir como paxes na Cabalgata Real do vindeiro 5 de xaneiro na Guarda poderán anotarse até o vindeiro mércores, 27 de decembro, ás 9:00 h.

Para isto, as nais, pais ou titores legais deben achegarse até o departamento de Cultura do Concello da Guarda e entregar asinada a autorización, que poderán descargar nesta ligazón.

Másnoticias

Tui pone en marcha catas comentadas para adentrarse en el mundo del vino gallego y portugués

22/05/2022

Un paciente, trasladado en camilla por carretera en O Rosal ante la falta de ambulancia

22/05/2022

Os pais, nais ou titores que acudan ó Concello deben lembrar que os nenos e nenas que desexen participar teñen que ter xa cumpridos os 8 anos e que cada adulto só poderá anotar a un neno/a, excepto no caso de irmáns. Para a realización da inscrición non é preciso que estea presente o cativo inscrito.

A autorización só poderá estar asinada pola nai, pai ou un titor legal, sen que sexa válida a sinatura doutro adulto, aínda que si se permite que, no caso de que ningún deles poda acudir na hora sinalada, sexa outro adulto o que entregue a autorización debidamente cumprimentada e asinada polo pai, nai ou titor legal, así como un consentimento delegado.