As visitas escolares á biblioteca do Porriño prolongaranse durante todo o ano

Este ano 2018 a Biblioteca Municipal do Porriño, dependente da Alcaldía, renovará o servizo das ‘Visitas Escolares’ dándolle un novo enfoque e organizando a actividade de xeito regular para todo o curso 2017-18.

A finalidade desta actividade é potenciar as liñas de cooperación entre a biblioteca municipal e os centros escolares co “obxectivo fundamental de acercar a biblioteca ao alumnado e formalo na utilización dos diferentes servizos e recursos que esta ofrece”.

Másnoticias

O Porriño instalará casetas para gatos en la calle para que puedan protegerse de la lluvia o el frío

19/05/2022

Cans convierte a O Porriño en la capital del cine en España con el estreno de "Rapa" este jueves

19/05/2022

Os contidos das visitas serán unha ‘Presentación e benvida á Biblioteca’; Uso do carné de socio/a; Explicación dos diferentes Servizos e Actividades da Biblioteca; Procura de libros na sala infantil; Consulta e manexo da páxina web da biblioteca municipal e do catálogo en liña-opac (actividade práctica na que se facilitarán ordenadores para uso das alumnas e alumnas).

As visitas realizaranse os mércores de febreiro a xuño -debendo concertar a data exacta chamando á biblioteca municipal- en horario de 11:15 a 12:45 horas, para estudantes dos cursos 4º, 5º e 6º de Educación Primaria.

O número de prazas non poderá superar as 25 por grupo e cada centro ten a posibilidade de concertar dúas visitas, con inscrición previa, podéndose ampliar no caso de que queden días libres sen ocupar.

Os colexios interesados en concertar unha visita escolar, deberán chamar ao teléfono 986 33 76 24 e aportar os seguintes datos: nome do centro, persoa de contacto e teléfono, curso do alumnado que asistirá á visita, número de participantes e se ten necesidade de autobús gratuíto.

Neste último caso, poñerase a disposición dos centros un autobús de balde para o desprazamento das alumnas e alumnas do colexio á biblioteca municipal, ida e volta.

Clube de lectura Infantil no Porriño

Asemade, a Biblioteca Municipal, tendo en conta a importancia que a lectura ten na idade infantil, pon en marcha o ‘Club de Lectura Infantil’ para nenas e nenos de 3º a 6º de Educación Primaria, como actividade de animación á lectura e como complemento á educación formal que se imparte na escola.

Trátase dunha actividade encamiñada a que os nenos atopen nos libros o instrumento de desfrute que os anime a ler cada día. Empréganse actividades, xogos ou manualidades relacionadas coa lectura programada para conseguir aumentar a súa comprensión lectora e, ao mesmo tempo, que se divirtan co seu libro. O club de lectura infantil reúnese cada venres alterno de 18:00 a 19:30 horas.